IKEA ќе ви покаже како да си направите „тврдини и замоци“ за вас и вашите најмили

Доколку сте млади родители веруваме дека овој период не ви е лесно. На децата им е потребна забава, а бидејчи градинките сѐ уште не се отворени оваа задача целосно ви е препуштена вам и на вашата креативност. Но, не грижете се ИКЕА Русија е тука за да ви помогне. ИКЕА штотуку објави нова кампања, враќајќи ги детските авантури во затворени простории.

Создадена од агенција наречена Инстинкт, кампањата се состои од збир упатства за тоа како да се изградат шатори, замоци, тврдини и други кул структури за да ви помогнат да си поминете позабавно низ пандемијата. Некои луѓе веќе ги користат и објавуваат фотографии од нивната игра дома со хаштагот #явдомикеикеа.

Инструкциите се лесни за следење и сите можеме да го направиме ова дома. Погледнете ги упатствата, а потоа и готовите примери од луѓето и фрлете се на забава.