10 момчиња и 10 девојчиња беа оставени сами, БЕЗ НАДЗОР, една недела во телевизиско шоу – она што се случуваше во куќите беше општ хаос

Во раните 2000-ти, една телевизија експериментираше со необични формати, меѓу кои и шоуата каде деца беа оставани сами во куќа без надзор од возрасни. Оваа концепција, налик на „Големиот брат“, но со деца, брзо предизвика контроверзии.

Во 2002 година, документарецот „Boys Alone“ смести 10 момчиња во куќа полна со играчки, книги и храна. Иако имале сè за да се грижат за себе, повеќето се хранеле со житарици и газирани пијалаци. Забавата брзо прераснала во хаос, бидејќи никој не сакал да чисти или да готви.

Форматот подоцна беше повторен со „Girls Alone“, каде девојчињата покажаа поголема организација. Тие назначија одговорни за готвење и чистење, што резултираше со помал хаос во споредба со момчињата. Во 2009 година, шоуто „Boys and Girls Alone“ ги обедини двете групи како одделни „заедници“, кои останаа одвоени до последната епизода.

Без изненадување, шоуто беше исполнето со драма – караници, солзи и тепачки – што доведе до бројни критики. Детскиот писател Мајкл Морпурго и други го осудија како „злоупотреба и суровост“. И покрај уверувањата од „Channel 4“ дека децата биле под надзор, контроверзиите не стивнаа.

Рут Луис, чиј син Сем учествувал во „Boys Alone“, изјави дека жали за одлуката. Сем, исто така, изрази каење, велејќи дека искуството било хаотично и депресивно, опишувајќи го како „војна“ меѓу две групи.

Овие шоута го поттикнаа прашањето за етичноста на ваквите експерименти, оставајќи нешто кое се памети повеќе по контроверзиите отколку по забавата.