10 навики за спиење кои не треба да ги игнорирате — ако имате 3 или повеќе од овие, посетете лекар

Време е да престанете да губите сон поради лоши навики за спиење.

Сонот е од клучно значење за физичкото и менталното здравје — тој е важен за функционирањето на мозокот, спортските перформанси и закрепнување, регулирањето на расположението и поддршката на имунолошкиот систем. Сите знаеме дека спиењето помалку од седум часа на ноќ може да не остави нервозни, анксиозни и исцрпени.

„Знам колку е фрустрирачко да се разбудите чувствувајќи се изморено,“ вели МериБет Ајер, холистички практикант од Масачусетс, во неодамнешно видео.

Ајер тврди дека високото нивото на кортизол, примарниот хормон на стресот во телото, може да биде причина за тоа. Зголемениот кортизол може да доведе до зголемување на телесната тежина, висок крвен притисок, губење на мускулна маса, промени во расположението, зголемен ризик од дијабетес и проблеми со спиењето.

Ако забележувате три или повеќе од следниве 10 проблематични навики при спиење, Ајер препорачува да посетите лекар за да ги проверите вашите хормони.

10 лоши навики при спиење

• Се будите најчесто меѓу 3 и 4 часот наутро.
• Имате интензивни, стресни соништа.
• Прекумерно се потите.
• Ви се вртат мисли пред заспивање.
• Чувствувате болка во рамената, вратот или зглобовите по будењето.
• Се чувствувате изморено цел ден, но будни кога доаѓа време за спиење.
• Се превртувате и не можете да најдете удобна положба за спиење.
• Шкрипите со забите ноќе.
• Ви е премногу жешко во кревет.
• Се будите исцрпени.

Што да направите ако лошо спиете

Редовното вежбање, помалку кофеин, управувањето со стресот и здравата исхрана можат да помогнат да се намали нивото на кортизол.

Ајер препорачува да се јаде грчки јогурт, путер од кикирики и банана еден час пред спиење. Мал, богат со протеини оброк може да помогне да се израмнат нивоата на шеќер во крвта, што го подобрува сонот.

Ако се сомневате дека имате Кушингов синдром, ретко нарушување на хормонот кортизол кое се карактеризира со зголемување на телесната тежина, тркалезно лице и слаби мускули, веднаш побарајте лекарска помош.