13 браќа и сестри од Ирска се најстарото семејство во светот со вкушно 1075 години – сите тие избегнувале една работа во животот

Во 2017 година, семејството Донели од Северна Ирска официјално го доби признанието како најстарото семејство во светот, освојувајќи место во Гинисовата книга на рекорди. Нивната вкупна возраст изнесува 1.075 години, со што тие станаа најстарите браќа и сестри познати на човештвото.

Семејството, составено од осум браќа и пет сестри, на возраст од 71 до 93 години, го привлече вниманието на јавноста преку документарецот на „BBC“ „Најстарото семејство во светот,“ кој истражуваше како успеале да одржат долг живот. Најстарата сестра, Мореен, тогаш на 91 година, изјавила: „Сите сме здрави како кога имавме 50, 60, па дури и 20 години. Не се менуваме, остануваме млади“.

Како и семејството Мелис од Италија, кои некогаш беа најстарото семејство, исхраната играла клучна улога. Во случајот на Донели, тие вклучуваат јадење домашни јаболка, работа на нивната земја и активност како играње фудбал. Лио Донели, кој тогаш имал 71 година, истакнал: „Сите зборуваат за медитеранските диети или јапонското суши, но ние мислиме дека имаме исто толку добри нешта во нашите дворови“.

Семејството биле исто така големи љубители на овес. Нивниот оброк обично вклучувал топла овесна каша двапати на ден – еднаш во 10 часот навечер и повторно за појадок.
Една од најзначајните карактеристики на Донели е дека ниту еден член не консумирал алкохол. Лио изјавил: „Нема ниту еден кој пие алкохол во ова семејство. Тоа сигурно помага“.

Според здравствените служби, животниот стил без алкохол значително го намалува ризикот од висок крвен притисок, го подобрува квалитетот на сонот, го намалува таложењето маснотии околу црниот дроб и го подобрува внесувањето хранливи материи. Овој уникатен начин на живот, заедно со семејните традиции и дисциплината, го направи семејството Донели симбол на долговечност и здравје.