162 години од предвидувањето за иднината на машините на контроверзниот британскиот писател Семуел Батлер: „Машините ќе бидат како кучињата за човекот“

Во период кога механизацијата штотуку почнала да се развива, британскиот визионер и писател Семуел Батлер предвидел свет каде што машините не само што ќе им служат на луѓето, туку можеби ќе станат нивни рамноправни или дури и надмоќни суштества. На 13 јуни 1863 година, Батлер под псевдонимот „Селариус“ објавил писмо во новозеландскиот весник „Пресс“, каде ја опишал еволуцијата на машините и нивниот можен развој до степен на свест, што денес делува како навестување за ерата на вештачката интелигенција.

Писмото неодамна повторно привлече внимание преку објава на Питер Вајлдфорд од Институтот за политика и стратегии за вештачка интелигенција на платформата „X“. Батлер ги поврзал идеите за брзиот технолошки развој со теоријата на природната селекција, истакнувајќи дека машините може да се развијат до ниво каде што нивните способности ќе го надминат човечкиот потенцијал.

„Ние самите ги создававме нашите наследници“, предупредувал Батлер, истакнувајќи дека луѓето може да станат „пониска раса“.

Неговите зборови дека „секој ден сè повеќе зависиме од машините“ се чинат пророчки во современото општество каде технологијата е интегрирана во сите аспекти на животот. Батлер предвидел дека машините ќе станат толку моќни што нема да можеме да ги уништиме, што би довело до нова форма на заедничко постоење.

Интересно е што Батлер не предвидувал конфликт помеѓу луѓето и машините. Наместо тоа, тој сметал дека луѓето ќе станат „миленичиња“ на вештачката интелигенција, живеејќи под „добронамерно владеење“.

„Човекот ќе биде за машината она што коњот и кучето се за човекот“, тврдеше тој, верувајќи дека во такво сценарио животот на луѓето може да стане посреќен и пополн.

Во времето кога Батлер ги напишал овие мисли, светот штотуку почнувал да го согледува потенцијалот на технологии како телефонот и автомобилот, а објавата на „Потеклото на видовите“ од Чарлс Дарвин го променило разбирањето за биолошката еволуција. Денес, на прагот на револуцијата во вештачката интелигенција, размислувањата на Батлер за идните односи меѓу луѓето и машините изгледаат поважни од кога било.

Иако сè уште не знаеме дали развојот на вештачката интелигенција ќе доведе до негово надмоќно владеење или до нова форма на хармонично сосема постоење, предвидувањата на Батлер поттикнуваат размислување за тоа како да се создадат позитивни односи со нашите технолошки наследници.