20 годишна пливачка од Парагвај беше итно ИЗБРКАНА од Олимпиското село, откако реши ненадејно да се пензионира по трка на Олимпијадата

Спортистката која беше отстранета од селото на Олимписките игри во Париз поради создавање „несоодветна средина“ за другите, ја објасни својата одлука зошто се „пензионира“.

Парагвајската пливачка Луана Алонсо престојуваше во Олимпиското село во текот на игрите, живеејќи, јадејќи и дружејќи се со колегите натпреварувачи. Но, оваа недела, беше објавено дека тимот Парагвај донел одлука ефективно да ја исфрли од селото, без да ѝ дозволи да го исполни својот престој до крајот на натпреварувањето во недела (11 август) заедно со другите спортисти.

Одлуката била донесена откако 20-годишната девојка реши да се повлече од пливањето по учеството на 100 метри пеперутка. Универзитетската студентка имаше недоволни перформанси, завршувајќи со време од 1:03.09, пропуштајќи ги квалификациите за полуфиналето со огромна разлика, со тоа што времето беше над 3,1 секунда побавно од нејзиното лично најдобро време. Меѓутоа, нејзиното однесување после ова се сметало за „непримерно“, при што шефицата на мисијата COP, Лариса Шаерер, донела одлука да ја отстрани од селото.

Таа изјави: „Нејзиното присуство создава несоодветна атмосфера во тимот на Парагвај. И благодариме што постапи како што беше наложено, бидејќи по нејзина слободна волја не преноќи во селото на спортистите. Таа по нејзиното „несоодветно“ однесување, се врати во САД, каде што оди на универзитет во Далас, Тексас“.

Одлуката е донесена по нејзината објава да се откаже од пливањето на лице место по учеството на игрите летово, на социјалните мрежи до нејзините 500.000 следбеници на „Инстаграм“.
Алонсо подоцна ја објасни одлуката за „Claro Sports“, велејќи: „Луѓе, мојата одлука е донесена многу одамна! Тоа не беше поради игрите! Значи ништо, само треба да им се заблагодарам на сите кои секогаш ме поддржуваа”.

„Тоа не се случи како што сакав. Искрено му се извинувам на Парагвај, но направив се што можев, и покрај неколку работи што ми се случија претходно. Затоа, среќна сум и што се повлекувам овде“.

Таа доби многу пораки за поддршка на интернет, откако објави објава за нејзината одлука да се повлече од спортот.

Алонсо напиша: „Пливање: ти благодарам што ми дозволи да сонувам, ме научи да се борам, да се трудам, да бидам истрајна, дисциплинирана и многу повеќе. Ти дадов дел од мојот живот и не го менувам за ништо на светот затоа што ги доживеав најубавите искуства во мојот живот, ти ми подари илјадници радости, пријатели од други земји кои секогаш ќе ги носам во моето срце, единствени можности. Не е збогум, се гледаме наскоро“, заклучила таа.

Поранешната пливачка неодамна објави видеа на нејзиниот „Инстаграм“ профил на кои сугерира дека неодамна се преселила во САД.

Алонсо можеби имаше кратка кариера, но таа импресивно ги држи парагвајските рекорди на 50, 100 и 200 метри пеперутка. Пливачката го имаше своето олимписко деби на само 17 години на Игрите во Токио во 2021 година и е една од најмладите во спортот сега.