23-годишна Бугарка открива зошто заработувала 300.000 евра годишно како џепчија во Англија

Младата жена од Бугарија се надева дека преку споделување на нејзината приказна ќе ја подигне свеста и кај другите жени во опасност да бидат фатени во слична ситуација. 23-годишната Ромка имала прилично тежок живот кој ја ставил во повеќе несакани ситуации.

Шемата за ограбување на купувачите низ шопинг центрите и околу нив започнала откако нејзините родители ја омажиле, односно ја продале за 78.000 евра кога имала само 14 години. Нејзината неморална кариера како џепчија започнала бидејќи била принудена да го прави тоа и на ден „заработувала“ и над 1.000 евра крадејќи од луѓето. Сепак таа не ги задржувала парите за себе.

Бугарката вели дека сите инструкции ги добивала од својата свекрва, која живее во село во близина на Софија, заедно со нејзините деца. Таа додава дека била контролирана од нејзиниот сопруг, кој ѝ се заканувал дека никогаш повеќе нема да ги види своите деца доколку не прави како што ќе ѝ се каже.

За да бидат сигурни дека нивната снаа соодветно ја врши работата свекрвата и свекорот ѝ се јавувале на секој час за да ѝ кажат каде да се упати за да се сретне со „колегите џепчии“ кои работат во пар или по тројца од 8 наутро до 9 навечер, со цел да украдат што е можно повеќе пари.

Сѐ уште не се знае кај кого завршуваат парите, бидејќи жената живее со својот сопруг во стан кој го дели со уште 8 други луѓе. Иако деновите ги минува ограбувајќи невини луѓе жената во солзи објаснувала дека не е лоша личност.

„Сакам луѓето од кои крадам да знаат дека сум добра личност. Не сакам да го правам тоа. Сакам да престанам, но невозможно е. Се надевам дека другите девојки од мојата заедница ќе го прочитаат ова и ќе излезат пред да имаат деца.“, вели Бугарката.

Во Бугарија има настани познати како „пазари за невести“, каде што младите девојки им се продаваат на машки додворувачи. Една заедница која учествува во контроверзната традиција е кланот Калаиџи Роми; група православни христијански Роми кои се собираат за да го прослават годишниот настан.

Една мајка од групата објаснила дека деновиве младите девојки имаат некаков придонес кога станува збор за избор на маж со кој ќе се омажат, иако во минатото девојчињата биле наредени на сцена, додека мажите се наддавале или се натпреварувале за нивната рака.

Шокантната традиција сугерира дека жените не се ништо повеќе од предмети што можат да се купат и користат, а ситуацијата на 23-годишната млада жена нагласува колку е тажен и страшен овој живот.