23 годишна Бразилка се омажила за 40 години постар човек од нea и им возврати на „хејтерите“: „Не се омажив од интерес, тој воопшто НЕ Е БОГАТ!“

Бразилката Марија Едуардо Диас ја започнала врската со таткото на своето дете кога имала само 16 години, а тој 57.

Двојката, од Кампина Гран, сега има заедничко дете, откако на 63-годишниот радио диџеј Никсон Мота му била отстранета вазектомијата за да стане татко на Марија Алис во 2021 година.
Г-ѓа Диас реклла дека не може да го разбере непочитувањето што го добива нејзиното „убаво и благословено“ семејство откако постави „TikTok“  видео во кое зборува за својот брак со диџејот.

„Дури и претпоставував дека ќе стане вирално, но на позитивен начин. Со луѓе кои ќе речат: „Погледнете каква убава љубовна приказна…“, но тоа не се случи“, изјави таа за Параиба , локален медиум за вести.
Г-ѓа Диас и нејзиниот сопруг им возвратија на „хејтерите“: „Лесно е да се суди кога не ја знаеш приказната“, вели мајката во едното видео во кое го брани своето семејство.

„Многу сме среќни и изградивме прекрасно и благословено семејство. Никој нема право да не нѐ почитува“.

„Да живее љубовта! Сакајте се! Престанете да влевате омраза и зло за вљубените луѓе“.

Г-дин Мота додаде: „Да живее нашата љубов! Те сакам моја принцезо. Ништо од ова нема да ни пречи. Заедно се соочивме со многу полоши работи, а ти секогаш беше со мене и ми помагаше да се победам и ми даваше сила да победам!“

Тој, исто така, му рекол на Параиба : „Не сум богат. Многу луѓе велат дека веројатно сум и г-ѓа Диас сака финансиска стабилност. Никогаш немало интерес од нејзина страна за такво нешто“.

Г-ѓа Диас претходно постави сега избришана објава на „TikTok“ за нивната свадба која беше прегледана над 10 милиони пати и наиде на илјадници остри коментари.

„Ова е толку непријатно на толку многу начини“, коментираше една жена на првичната објава.

„Немаме термин да го нормализираме тоа“, напиша друг.

Трет додаде: „Шеснаесет години? Ова се влијанијата на нормализацијата на педофилите во општеството. Не, не е нормално речиси стар човек да биде со 16-годишно девојче“.
Среќната двојка првпат се запознала во 2015 година кога г-дин Мота работел како фотограф. Парот потоа почнал да се дружи и заедно оделе во кина и ресторани, додека г-ѓа Диас не сфатила дека е „заљубена“ во г-дин Мота и сонувала да го бакне.

Откако се сретнале во 2015 година, парот се соочил со „предрасуди“ од семејството и пријателите кои не ја одобрувале врската.

Сепак, дел од оваа напнатост се намалила откако г-ѓа Диас била покрај својот сопруг кога му бил дијагностициран рак на дебелото црево во 2018 година.

Младата жена рекла дека нејзиниот сопруг ѝ бил голема поддршка во животот, објаснувајќи дека средбата со него и го подобрила расположението и ѝ помогнала да се ослободи од лековите за депресија, за што нејзиното семејство му е благодарно.

Мајката рече дека нејзиниот сопруг е „супер татко“ и дека бил таму во текот на целата бременост, а по раѓањето дури ѝ ја пресекол папочната врвца на нивната ќерка.