23 годишна мајка открива како од „хардкор“ феминистика станала конзервативна домаќинка од 1950-тите која пере, пече и чисти за својот сопруг

Медисон Даструп, од Седар Сити, Јута, објавува редовни содржини на ТикТок – каде што има скоро 70.000 следбеници – и во еден клип открива дека е сосема поинаква личност од онаа што била пред шест години, откако станала „конзервативна домаќинка“ и мајка на три деца.

Во едно видео таа вели: „Домаќините ги извршуваат сите домашни работи, тие се грижат за децата, тие се грижат за сопругот, тие се грижат за домот и тоа не е затоа што се принудени, туку затоа што тоа е она што тие го сакаат. Домаќинството е кариера, домаќините го прават тоа цел живот“.

Медисон вели дека домаќинките се разликуваат од мајките кои остануваат дома, кои се враќаат на своите кариери откако ги воспитувале децата, но таа истакнува дека ниту една не е подобра или позаслужна од другата.

На Инстаграм, многу од нејзините објави се фокусираат на нејзините кулинарски активности.
На една фотографија може да се види како пече ролати со цимет додека носи престилка, а на друга го открива својот рецепт за супа од компири. Таа, исто така може да се види во ТикТок како ја пакува кутијата за ручек на нејзиниот сопруг.

Перење алишта и собирање јајца од кокошките се други активности што можеме да ги видиме на видеата.

Мајката на три деца, исто така, му се заблагодарува на својот сопруг, со кој се омажила во 2018 година, за неговата непоколеблива поддршка.

Таа напишала една фотографија на која се гледа како го држи за рака: „Тој работи толку напорно за да можам да останам дома со нашите бебиња, за да можеме да имаме облека и храна на масата. Тој работи толку напорно и може да им даде на нашите бебиња речиси сè што можат да посакаат и сè што им треба. Има добри мажи и имав среќа со еден од најдобрите“.