30-годишен поет го претвори талентот во приход од 12.000 долари месечно – и сè уште не зема плата за тоа

Содржина:

• Како ја изгради „Poetry me, please“ – бренд кој заработи 148.000 долари за една година, но беше реинвестиран во заедницата
• Патот од платени настапи до распродадени театарски сали: од скромни почетоци до 1.400 посетители на Apollo Theater
• Ризиците од прегорување и жртвата без плата: од настап во Белата куќа до средба со „студената болничка вистина“

Како ја изгради „Poetry me, please“ – бренд кој заработи 148.000 долари за една година, но беше реинвестиран во заедницата

Браун, кој работи како менаџер на производи во ESPN преку ден, зборуваше за својот „страничен бизнис“, Poetry me, please, кој е настан за поезијата со говорено слово што се одржува месечно во Њујорк. Избраните уметници, обично 10 по настан, настапуваат бесплатно – за разлика од поетските настани каде изведувачите плаќаат котизација – и добиваат професионални фотографии и видеа од настапите.
Браун настапува и со своја поезија и менаџира други поети во рамките на Poetry me, please, бренд кој сам го основал во 2020 година. За 2024 година, Poetry me, please оствари приход од 148.000 долари, што е просечно 12.000 долари месечно, според документи прегледани од CNBC Make It.
Поголемиот дел од приходот доаѓа од продажбата на влезници, но тие се скоро во целост потрошени за организацијата на настаните: во 2024 година Poetry me, please оствари добивка од само 500 долари, кои Браун ги реинвестираше назад во бизнисот. Тој не зема плата од овој бизнис, иако работи од 20 до 80 часа неделно, зависно од сезоната.
Останатите членови на тимот сепак се платени. На секој настан Браун вработува најмалку 10 надворешни соработници – диџеи, сниматели, лица задолжени за организација – како и сопствен персонал, вклучувајќи шеф на кабинет, агент, менаџер за социјални медиуми и проектни менаџери.

Патот од платени настапи до распродадени театарски сали: од скромни почетоци до 1.400 посетители на Apollo Theater

Браун почнал да пишува и изведува поезија уште во средно училиште како креативен израз. Во јануари 2020 година го посетил својот прв open mic настап во Њујорк. На сцената се чувствувал „како на терапија” – освен што платил 20 долари котизација за да настапи.
„Не ми беше во ред што платив за да настапувам“, вели Браун. „Јас нудев услуга. Се подготвив, ја наполнив салата со пријатели.”
Почнал да објавува свои настапи на YouTube, а потоа организирал и сопствени поетски вечери по барови. Првично, речиси и немал профит. Пресвртна точка дошла во октомври 2021 година кога органзирал настан во двокатен ресторан, каде што присутните можеа свечено да се облечат, да јадат и слушаат изведби. Се вратил дома со 1.000 долари профит.
Следниот настан му донел над 4.000 долари. Возбуден, и со амбиција, Браун пребарал како се резервира Apollo Theater во Њујорк. Открил дека само една вечер чини 50.000 долари.
Во наредните година и пол организирал уште Poetry me, please настани. Со секое ново видео и интеракција на Инстаграм, растел бројот на следбеници и партнери: настапи во Soho House и City Winery во Њујорк, спонзорства од Eventbrite и Microsoft.
Во есента 2023 година платил 10.000 долари (лична заштеда и приход од Poetry me, please) како капар за една вечер во Apollo, која масовно ја промовирал на социјалните медиуми. Околу 1.400 луѓе – најголема публика досега – купиле влезници, што помогнало да се покријат сите трошоци.

Ризиците од прегорување и жртвата без плата: од настап во Белата куќа до средба со „студената болничка вистина“

Браун многу вложува во Poetry me, please, и понекогаш тоа го чини здравје.
Во февруари 2024 година, и покрај опоравување од операција на колено, настапил на настан во Белата куќа за претприемачи. По настапот бил исцрпен и во болки, и вечерта завршил во итна помош во Вашингтон ДЦ.
„Мислам дека секој пат кога сериозно се разболев, тоа беше затоа што претерував со работа“, вели Браун. „Научив дека или ќе си дадеш одмор, или телото ќе те натера да го направиш тоа.“
Сепак, долгите работни часови особено во зимските месеци кога има најголеми настани – вредат: да им се помогне на другите уметници, да се инспирира публика и да се гради заедница за поезијата, за него има поголема вредност од секој личен приход.
На 29 ноември, Браун повторно се враќа во Kings Theatre – овој пат како организатор на Poetry me, please. Специјална гостинка таа вечер повторно беше Рупи Каур.