36-годишна жена потрошила 178.000 евра трансформирајќи се во „човечки киборг“ со преку 200 тетоважи и футуристички импланти за тело – и не планира да престане

Лина Лорензен (36) од Сан Франциско во САД, има над 200 тетоважи и има вметнати повеќе субдермални импланти во нејзината кожа во обид да го комплетира својот футуристички изглед. Досега сето тоа ја чинело 178.000 евра.

Иако е горда на својата „уметност на телото“, Лина признава дека често ја „осудуваат“ поради нејзиниот изглед, додавајќи дека децата често зјапаат во неа.

И покрај тоа, таа не планира да ги прекине модификациите на своето тело, а планирани се повеќе за подоцна оваа година.

Лина рече: „Тетоважите се дел од моето еволуирачко самоизразување, така што не се гледам себеси како ќе престанам наскоро. Се обидувам да ги истетовирам сите празни места што ми останаа. Децата се природно љубопитни и разбирливо е да зјапаат во нешто што не им е познато. Се обидувам да одговорам со пријателска насмевка или мавтање, надевајќи се дека ќе го нормализирам мојот изглед и ќе поттикнам чувство на прифаќање“.

Но, уметничката за тетоважи рече дека имало случаи кога се чувствувала „осудена или исклучена“ од луѓе на нејзина возраст поради нејзиниот изглед.

Таа рече: „На крајот, избирам да се опкружам со поединци кои ме ценат поради тоа што сум, а не само поради тоа како изгледам. Моите тетоважи се почеток на разговорот и секогаш сум среќна да ја споделам мојата приказна со секој што е заинтересиран“.

Лина моментално е сингл, но не верува дека нејзините тетоважи се одговорни за нејзиниот соло статус.

Моментално сум сингл. Мојот статус на врска е независен од мојот изглед. Верувам дека вистинските врски се формираат на подлабоко ниво од површните осудувања“.