4 моќни цитати од персискиот мудрец Руми кои можат да ви го променат животот

Руми рекол дека најважна работа во животот е љубовта, а неговите 4 мудри цитати можат да ви го променат животот!

Руми е персиски поет од 13 век, како и правник, исламски научник, физиолоф, мистик и, за многумина, источен мудрец, чии песни, цитати и пораки и денес ги менуваат животите, мислите и на крајот судбината на многу луѓе. Тој остави неизбришлива трага во светот со својата длабока и безвременска мудрост. Неговата поезија, исполнета со духовен увид и љубов, продолжува да инспирира многу луѓе од различни култури и генерации.

Ви претставуваме четири моќни цитати на Џалалудин Руми кои даваат важни упатства во животот, можат да ви ја ублажат болката, да ви помогнат во тешките моменти, но и да ви го променат погледот на животните ситуации.

1. За промената

„Обидете се да не се спротивставите на промените што доаѓаат во вашиот живот. Наместо тоа, нека животот живее преку вас. И не грижете се ако се преврти наопаку. Како знаеш дека животот на кој си навикнат е подобар од оној што ќе дојде?“

Вистина е дека на човекот често му е тешко да излезе од комфорна зона, се плашиме од промени, но многу од нив доаѓаат од вистински причини во вистинско време, токму кога треба да се случат. Ако ги прифатите, можеби ќе ви се отворат нови врати, нови можности кои на крајот ќе доведат до животот за кој сте сонувале.

2. За вашата големина

„Роден си со крилја, зошто повеќе сакаш да ползиш низ животот?“

Зборовите на Руми не потсетуваат на неискористениот потенцијал во секој од нас. Луѓето по природа се способни да се издигнуваат до големи височини, да ги постигнат своите цели и да надминат неверојатни тешкотии и предизвици. Важно е да научиме да ја користиме нашата внатрешна сила, креативност и еластичност.

Животот е патување полно со предизвици, но Руми нè поттикнува да се издигнеме над нашите сомнежи и стравови, да се ослободиме од самонаметнатите ограничувања и да го следиме нашиот пат.

3. За вистинските вредности на животот

„Во животот, со половина здив, не планирај ништо освен љубов“.

Што и да правите, секој пат поставувајте си го прашањето – дали го сакате она што го работите? Дали ви се допаѓаат луѓето со кои комуницирате? Дали уживате во животот? Ако одговорот е „не“, тогаш е време да промените нешто. Ако нема љубов во сè што правите и со кое се опкружувате, тогаш сè друго е залудно“.

4. Живеј го својот живот

„Немојте да се задоволувате со приказни за тоа како се одвивале работите за другите. Откријте го сопствениот мит“.

Руми не охрабрува да не бидеме задоволни да живееме од искуствата на другите, туку активно да учествуваме во обликувањето на нашата судбина. Секој човек има различно патување, а со раскажувањето на нашите уникатни приказни придонесуваме за богатата таписерија на човековото постоење.

Во свет каде што често владеат споредбите и општествените очекувања, зборовите на Руми нè поттикнуваат да се ослободиме од мислењата на другите. Важно е да можете да се слушате себеси, да живеете во согласност со сопствените цели, соништа и желби.