4 прашања за вселената, на кои научниците сѐ уште не им ги знаат одговорите и можеби ќе останат вечни мистерии

Во изминатата деценија сме сведоци на значајни научни откритија, како првите фотографии од црни дупки и истражувања за создавањето на Универзумот. Сепак, многу важни прашања сè уште остануваат неодговорени, кои ќе предизвикаат физичарите и астрономите и во следните децении.

Зошто постои нешто наместо ништо?

Според космолошките теории, на почетокот постоел „инфлаторен вакум“ со висока енергетска густина кој се проширил, создавајќи материја и наш Универзум. Квантната теорија сугерира дека таквата материја можела да се појави од ништо, но останува прашањето: како настанале законите на физиката? Еми Нотер покажа дека законите за зачувување се резултат на симетриите на просторот и времето, дури и во „празнина“.

Зошто во секоја галаксија има супермасивна црна дупка?

Во центарот на речиси секоја од околу два трилиони галаксии во универзумот постои супермасивна црна дупка. Овие дупки варираат во големина, од монструозни до помали како Стрелец А* во центарот на Млечниот Пат. Како се формираат овие џиновски дупки е една од најголемите космолошки мистерии. Можни објаснувања се дека се создадени преку спојување на помали црни дупки или од директно колабирање на гасовити облаци.

Дали времето навистина постои?

Американскиот физичар Џон Вилер изјавил дека времето е она што спречува сè да се случува истовремено. Сепак, времето е нејасен концепт. Многу од нашите претпоставки за времето може да бидат погрешни, а новите истражувања на ова поле би можеле да донесат изненадувачки заклучоци.

Зошто не гледаме знаци на вонземјани?

Во 1950 година, Енрико Ферми, човекот кој го изгради првиот нуклеарен реактор, ручал во кафетеријата во лабораторијата Лос Аламос во Ново Мексико, кога одеднаш рекол: „Каде се сите?“ Сите на масата сфатиле на што мисли.

Неколку децении подоцна, прашањето на Ферми беше независно истражено од американските физичари Мајкл Харт и Френк Типлер. Харт верувал дека вонземјаните се движат низ Млечниот Пат, а Типлер верувал дека тие користеле ресурси за да создадат две копии од себе кои го продолжуваат патувањето. И двајцата заклучиле дека дури и при умерени брзини на патување, секоја ѕвезда во Галаксијата ќе биде посетена од вонземјани во мал дел од животниот век на Млечниот Пат.