5 навики што треба да престанете да ги правите со вашиот „iPhone“ доколку сакате телефонот да ви трае подолго

Поранешна вработена во „Apple“ издаде итно предупредување до корисниците на „iPhone“ да престанат да прават пет работи кои предизвикуваат неповратна штета на нивните уреди. Вие дефинитивно ќе бидете виновни барем за некои од нив, верувајте ни. Тајлер Морган е девојката којашто на „Тикток“ ги објави сите овие предупредувања и им „ги отвори очите“ на корисниците на ваков вид телефони.

Не го исклучувајте телефонот редовно

Морган ги повика луѓето да не го вклучуваат и исклучуваат телефонот секој ден, објаснувајќи дека тие се „дизајнирани да останат вклучени“. Единствената причина зошто треба да го исклучите е ако очигледно не функционира нешто.

Не испраќајте фотографии на вашите пријатели

Друг совет вклучува и користење на функцијата AirDrop за испраќање фотографии до луѓе во близина. Причината за ова е што ако вашиот пријател продолжи да ја зачувува сликата во телефонот, тогаш ќе има две верзии на сликата бидејќи ќе се зачува како прилог и во нивната апликација за пораки – пополнувајќи скапоцен простор за складирање.

Не го земајте телефонот со себе во бањата

Ова звучи очигледно, но некои луѓе пуштаат плејлисти музика додека се тушираат. Ова, според Тајлер, е многу лоша идеја.

Таа рече: „Влагата ќе влезе во вашиот телефон. Следно што ќе се случи е ќе прегрее. Вашиот телефон брзо ќе се прегрее, особено на некој што сака долго да се тушира“.

Не спијте со телефонот до вас

Една од најчестите грешки што Морган ја истакна е тоа што спиеме со телефоните сместени под перниците.

„Ве молам, не спијте со телефонот до или под перницата. Перницата може да предизвика прегревање“, објасни таа.

„Што се случува кога телефонот ви се прегрева секоја вечер? Батеријата ви се влошува“.

Не само тоа, тоа е и опасност од пожар.

Не полнете го телефонот до 100 проценти

И, конечно, кога станува збор за полнење на телефонот, можеби мислите дека започнувањето на денот со 100 проценти вклучен уред е најдобриот начин, нели? Не според Морган, која изјави дека секој што се грижи за здравјето на својата батерија „воопшто“ не треба да го полни до 100 проценти.

„Држете го помеѓу 20 и 80 проценти ако можете“, додаде таа.

Овој совет се покажа како најподелбен меѓу гледачите, при што многумина отидоа во делот за коментари за да ја преиспитаат логиката зад расудувањето на Морган.

„Не разбирам зошто да не го наполнам телефонот до 100 проценти“, коментира еден корисник.

Сепак, друг коментатор успеа да ја разјасни конфузијата, објаснувајќи дека полнењето на телефонот до 100, а потоа оставањето на приклучокот може да предизвика долгорочно оптоварување на батеријата.