7 чести (и опасни) стапици во кои паѓаат туристите додека патуваат во Централна Америка

Не се сите места толку безопасни за патување, но сепак туристите сѐ уште имаат желба да ги посетат поради природните убавини, историјата или пак едноставно поради самата помисла за опасност и авантура. За безгрижно патување во Централна Америка, вооружете се со трпеливост, но и со знаење – добар план може да ви заштеди многу нерви.

1. Нетрпеливост

Во зависност од времето и денот на неделата, можеби ќе треба да почекате неколку часа за да ги разгледаат и одобрат вашите документи за да престојувате во една од земјите. Во Панама се исплати да се патува со локална агенција затоа што тие знаат како да избегнат гужви на границата.

2. Планирање на лице место

Кога ја преминувате границата од една во друга централноамериканска земја, ќе мора да поминете бројни станици и да посетувате бројни погранични канцеларии. На една локација се плаќа трансферот, на друга не. Ако не зборувате шпански, нема секогаш да разберете што се очекува од вас. Обидете се да ги испитате индивидуалните граници добро однапред или да се консултирате со локалното население.

3. Не сфаќање на законите сериозно

Покрај секоја граница има контролен пункт за дрога. Ако немате со вас, не треба да имате никакви проблеми, но не е многу пријатно кога вооружен чувар ги пребарува возилото и багажот.

4. Незнаење на граничните правила

За да стигнете од Костарика до Панама, ќе мора да преминете преку мост, да поминете уште неколку скалила и дури потоа да побарате канцеларија за пасош. Границата во Никарагва е уште поневообичаена – преминот вклучува прошетка од околу еден километар и поминувате покрај вооружените стражари до крај.

5. Преголема самодоверба

Ако одлучите да ги преминете границите на земјите од Централна Америка, ви препорачуваме да контактирате со некоја од локалните агенции. Особено ако патувате сами, тоа е најбезбедната и најлесната опција и на патот може да научите некои трикови познати само за локалното население.

6. Непознавање на временските услови

Централна Америка е толку голема што сезоните на дождови варираат од земја до земја. Во некои земји, дождовите се толку силни што го нарушуваат сообраќајот и можат да ве разочараат ако очекувате сонце и плажа. Затоа добро распрашајте се пред да планирате патување.

7. Претпоставка дека сите знаат Англиски

Во Јужна Америка, познавањето на шпански јазик може да биде од голема корист за вас. Во туристичките градови, секој обично зборува барем малку англиски, но ако посетите помало место, не очекувајте дека ќе можете да комуницирате без барем основен шпански јазик.