„Леси“ се врати дома после цели 13 години?! Бил украден од дворот на сопственикот.

Куче од расата Териер  Јоркшир, кое било украдено од градината на неговиот сопственик, конечно се врати  дома – 13 години подоцна.

Сопственичката Карен Фокс (61), ветеринар од Донелсон, Тенеси,САД, беше уништена кога во 2008 година, маж со црвен пикап го зграпчи домшниот миленик Конор, која сега има 16 години, од нивниот двор среде бел ден, пред нејзиниот тинејџер син.

Тие со недели го бараа Конор, возејќи околу нивното соседство, но немаше знак, пренесува семејството.
На почетокот на овој месец, Карен беше запрепастена кога доби говорна пошта од компанијата за микрочипот што го стави во Конор 15 години претходно. Таа исто така добила повик од Metro Nashville Animal Control, велејќи  дека тие го имале нејзиното изгубено милениче, повеќе од една деценија откако тој исчезна.

Карен за објавувањето изјави: „Беше чисто, целосно изненадување! Сè уште сум зачудена! “

Семејството го вдомило  Конор две години порано, откако го посвоиле од еден од клиентите на Карен, и тој станал голем хит со сопругот на Карен, Тим, а и со целото семејство.

Трагично, Тим почина пред четири години, никогаш не дозна што се случи со неговиот сакан Јорки Териер.

Кога Карен го доби повикот на 4 Март, таа отиде да го земе Конор следниот ден и раскажа како тој се качил во нејзиниот скут и почнал да и го лиже лицето.
Таа призна дека плачела додека се присетувала на Конор како седи во скутот на нејзиниот покоен сопруг, додека тој му го чешла крзното.

„Најемотивната работа за мене е колку мојот сопруг би сакал тој да се врати дома“, изјави таа за изданието.

Конор бил донесен во центарот за животни од загрижена жена, која го видела како талка по улиците на нејзината населба Бордо.

Таа го однела дома и го чувала една недела, ставајќи „пронајден“ постери на Интернет и околу нејзината локална област. На крајот, кога никој не се јавил, таа го донела во центарот за контрола на животните, а кога тој беше скениран, на неговиот микрочип се појави со името на Карен.

Карен раскажа како Конор се чини дека се сеќава на својот стар дом по сите овие години и има тенденција да ја следи низ куќата. Таа сега се грижи за неговото опоравување, откако тој беше пронајден со болна нога, оштетени заби и инфицирани очи.

Слатката приказна за обединување беше споделена на Фејсбук од ветеринарната пракса на Карен, болницата за животни Апачи Траил. Пишуваше: „По 13 години чекање, слаткото момче на доктор Фокс конечно го најде патот дома!“

Тие додадоа: „Еве еден знак да го микрочипирате  вашето домашно милениче ако не сте сигурни или ако се воздржувате да го сторите тоа. И не заборавајте да го регистрирате“!