Авиокомпанија била принудена да го откаже летот поради суеверието на еден човек

Не е невообичаено луѓето да фрлаат парички во фонтани со вода или во бунари на среќата во обид да инспирираат малку среќа, но има голема разлика помеѓу вода и моторот на авионот одговорен за безбедно пренесување човечки суштества низ воздухот.

Можеби ќе си помислите дека вакво нешто нема потреба да се потенцира бидејќи се подразбира, но очигледно разликата помеѓу нив навистина треба да се разјасни, бидејќи еден патник во Вајфанг, во централната провинција Шандонг во Кина, очигледно сметал дека се заменливи.

Патникот идентификуван со презимето Ванг, се подготвувал да отпатува од Вајфанг до Хаику, во кинеската провинција Хаинан, на летот GX8814 на авиокомпанијата Беибу Голф Ерлајнс, кога решил да фрли неколку парички во моторот на авионот.

Сега не знам за вас, но сме виделе доволно филмови за авионски несреќи за да знаеме дека моторот не е нешто со што треба да се играте. Како патници, нашата единствена работа е да се качиме во авионот, да го најдеме своето место и да се обидеме да ги следиме упатствата за безбедност додека го оставаме одржувањето на авионот на професионалците.

Според изјавата објавена од авиокомпанијата на Веибо, вработените станале свесни за непосакуваните предмети во моторот откако пронашле монети на земја за време на прегледот пред полетувањето.

Се чини дека Ванг сакал да ги земе работите во свои раце кога станува збор за обезбедување безбеден лет, бидејќи додека бил испрашуван од екипажот, тој признал дека фрлил шест монети завиткани во црвена хартија кон авионот за да „се моли за благослови“.

Персоналот успеа да ги поврати сите шест монети, но од безбедносни причини авиокомпанијата одлучи да го откаже летот, што значи дека сите 148 патници беа принудени да чекаат следниот ден за да полетаат. Во она што веројатно беше далеку од она што го имаше на ум кога сакаше среќа, Ванг, исто така, наводно завршил задржан во полицијата заради неговите постапки.

Се надеваме дека патникот ќе ја научи својата лекција кога станува збор за молитва за добар лет и следниот пат тој ќе се држи до безопасни зборови, наместо монети.