Оваа млада мајка откри дека е „алергична на сопственото бебе“

Плускавци, надуеност и „неподносливи црвени чешачки дамки“ на својата кожа, еве како е да си „алергичен“ на сопственото бебе.

Фиона Хукер, од Бејсингсток, Хемпшир, за прв пат забележала црвени области кои ја чешале на стомакот во 31-та недела од бременоста. Отпрвин ги чувствувала како „убоди од коприва“, но со текот на времето само се влошувале. Набрзо, нејзината состојба „експлодирала“ во плускавци што ја оставиле во болка дури и кога го држела новороденчето.

На 32-годишната жена подоцна и била дијагностицирана ретка автоимуна состојба на бременост позната како Pemphigoid Gestationis, со реакција на ген во ДНК на нејзиниот син што најверојатно предизвикува нејзиниот имунолошки систем да ја нападне нејзината кожа. Познато е дека оваа состојба влијае само на една од 50.000 жени.

„Добив неколку ситни, навистина чешачки траги околу мојот папок кои се чувствуваа како убоди од коприва. Отидов на лекар после неколку дена бидејќи се повеќе ме чешаше и беше неподносливо. Ми дадоа креми со стероиди кои навистина не помагаа и стануваше се поголем – мојот стомак беше покриен со црвени области кои ме чешаат“, рече Фиона.

„Третиот општ лекар кај кој отидов и рече дека личи на состојбата на пемфигоид гестационис и ме упати на дерматолог кој ми го даде најсилниот стероид крем што може да се користи. Како да сум алергичен на сопственото бебе.“, додава таа.

„До 35-тата недела отидов во болница бидејќи не можев да поднесам и ништо не помагаше и ми дадоа четири дена орални стероиди кои навистина помогнаа да се смири. Но, два дена пред да се породам, повторно почна да станува неподносливо и 24 часа откако се породив, само експлодираше и се претвори во плускавци.“

Фиона вели дека првите денови не можела ниту да го држи своето бебе во раце затоа што имала рани од плускавци по телото.

После шест месеци, симптомите конечно почнале да се намалуваат, но таа сепак мора одвреме-навреме да користи стероидни креми. „Бидејќи од неодамна не земам стероиди, понекогаш ме чеша малку и морам да користам малку крема со стероиди, па мислам дека моето тело сè уште го надминува тоа“, рече таа.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!