Херојска реакција на тренерот: Ја спаси од давење својата пливачка, која се онесвести во водата на светското првенство

Американската пливачка Анита Алварез има среќа што е жива откако се онесвести додека се натпреваруваше на Светското првенство и мораше да биде спасена од нејзиниот тренер.

Синхронизираната пливачка (25) се натпреваруваше во финалето на женското соло слободно натпреварување кога падна во несвест и потона на дното на базенот во Будимпешта.

Нејзиниот тренер Андреа Фуентес скокнала во водата и ја одвлекла назад на безбедно со помош на машки спасител. Алварез набрзо се освестила откако билa спасенa од базенот, веднаш добилa прва помош и наводно добро закрепнува.

Зачудувачки, тоа е втор пат Алварез да се онесвести во базен за време на натпреварување, а Фуентес повторно и дојде на помош за време на квалификацискиот настан за Олимпијадата во Барселона.

Фуентес рече дека сфатила дека нешто не е во ред кога Алварез „се спуштила под вода и не реагирала“ наместо да излезе по нејзината рутина. „Кога пливачот ќе заврши, првото нешто што сака да го направи е да дише“, рече таа.

Тренерот рече дека им дала знак на спасувачите за помош, но тие не ја виделе, па затоа таа скокнала. Потоа и се придружил еден спасувач за да ја извечат од водата.

„Тоа беше голем страв. Морав да скокнам бидејќи спасувачите не го правеа тоа. Отидов таму најбрзо што можев. Влегов уште побрзо отколку кога одев по олимписки медали“. – кажа таа.

Фуентес рече дека Алварез „не дишела“ кога стигнала до неа, но била оживеана и проверена дали има знаци на оштетување по застрашувачкиот инцидент. „Кислород, гликоза, срце, крвен притисок, сè е во ред“, рече таа, додавајќи дека Алварез ќе одмора денеска пред да се врати во базенот бидејќи „мора да го исплива финалето“.

Таа додаде: „Во нашиот спорт понекогаш се случува, кога долго време остануваме без дишење, со многу високи пулсирања, а понекогаш кислородот не стигнува таму каде што треба, да се онесвестиме. Но, затоа правиме вежби за да издржиме што е можно повеќе за натпреварот. А денес тоа се случи за време на натпреварот“.

Дали ќе плива или не во финалето што се одржува денес (24 јуни) ќе одреди Анита и стручниот медицински персонал. Иако таа како што вели размислува да плива.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!