Вработениот од Бургер Кинг кој по 27 години зема „бедно пакетче“ како награда, конечно го доби она што го заслужува, благодарение на добрите луѓе

Вработениот од Бургер Кинг кој се „прослави“ со видеото (види тука) во кое покажува што добил од фирмата по 27 години верно работење, конечно ја доби својата правда.

Кевин Форд (54) стана вирален откако го прими подарокот, кој содржеше билети за кино, неколку пенкала и торба од филијалата во Лас Вегас. Неговата ќерка Сирена Форд потоа објави GoFundMe во која му се заблагодарува за неговата долгогодишна посветеност на неговата работа и децата.

Од четврток попладне, Форд доби повеќе од 370.000 долари во донации. „Се уште се чувствува како сон. Толку е прекрасно, што навистина не можам да го опишам со зборови“, изјави Форд. „Постојано им кажувам на луѓето дека не можам да верувам дека тоа е реално и дека мислам дека ќе се разбудам од овој прекрасен сон, но тој само продолжува да се подобрува.“, додава тој.

Форд планира да продолжи да работи најмалку уште три или четири години и е возбуден што ќе ги посети своите ќерки во Тексас во август.

Тој изјави за DailyMail.com дека иако е тешко никогаш да не се пропушти ниту еден ден на работа, тој е посветен да биде најдобриот вработен што може да биде.

„Бев самохран татко пред повторно да се оженам, беше тешко“, рече тој. „Во тоа време имав две девојчиња и една на пат, но сè што ми требаше беше да се вратам дома кај моите ќерки и да ме викаат тато. Тоа ме поттикна. Можеш да издржиш повеќе отколку што веруваш, а јас успеав.“, вели херојот од приказната.

Форд рече дека сè уште ги обработува огромните донации што ги доби откако неговото видео стана вирално. „Тоа беше како прекрасно сценарио кое никој не можеше да го напише затоа што никој не би поверувал. Прекрасно возење на кое ме качи Америка и целиот свет“, рече тој.

Форд почна да работи во компанијата како самохран татко за да го добие старателството над неговите први две деца, објасни неговата ќерка Серина минатата недела.

Таткото на четири деца рече дека првично немал поим за GoFundMe и дека бил презадоволен од зборовите на Сирена на описот на страницата кога дознал за тоа.

„Писмото што ми го напиша на GoFundMe беше навистина сè што ми требаше, за таа да ја признае љубовта што ја има кон нејзиниот татко“, изјави Форд. Форд рече дека дел од парите ќе ги искористи за да го плати образованието на своите внуци и истакна дека е среќен што ќе можат да изберат кариера за која се страстни.

„Мислам дека сите треба да одат на училиште. Се откажав за да се грижам за моето семејство, но сакам моите внуци да ги следат нивните соништа.“

Се рашири веста за посветеноста на Форд на неговата работа во филијалата на меѓународниот аеродром Хари Рид во Лас Вегас на синџирот бургери. На снимката, тој љубезно рече дека „лојалноста се исплати“. Многу корисници на Твитер, сепак, беа шокирани што компанијата не направи повеќе за него. Некои сугерираа дека заслужува да раководи со цела франшиза или „платено патување со сите трошоци“.

„Бев благодарен за сѐ. Има луѓе со кои сум работел 20 или 30 години и не добиле ништо. Среќен сум со сè“, изјави Форд за NewsNationNow минатиот месец. „Благодарен сум и среќен. Јас сум само благодарен што го добив тоа“, рече тој мислејќи на предметите што ги доби. „Има луѓе кои работат напорно и не добија ништо.

Зборувајќи за примените донации, Форд беше обземен од емоции. „Дарежливоста на овие луѓе е само огромна. Веќе три дена плачам. Не ми се верува. Навистина не можам“, рече тој.