„Ми рекоа да ослабам, но решив да си ги задржав облините“ Софија Вергара одби да се вклопи во холивудските стандарди за убавина

Софија Вергара е актерка чија слава не дошла лесно. Таа морала да работи многу напорно за своите цели, а во исто време се обидувала да се вклопи во холивудските стандарди. Но, таа на крајот го исполнила својот сон кога решила да остане верна на себе и да не менува ништо на својот изглед.

Ние веруваме дека со посветеност и напорна работа може да се освои секоја планина, а приказната на Вергара е само уште еден пример за тоа.

Софија сакала кариера во стоматологијата, но тоа се променило кога еден фотограф  ѝ рекол да се занимава со манекенство на 17 години.

Покрај нејзината манекенска кариера, Вергара водела колумбиски ТВ емисии до својата 26 година. Во 1998 година, нејзиното семејство се преселило во Мајами, а таа морала повторно да почне да ја гради својата кариера од нула. Таму, таа беше домаќин на „A que no te atreves“ („Те предизвикувам“) — играна емисија на шпански јазик и успеа да добие само мали ТВ и филмски улоги како во „Chasing Papi“, „Four Brothers“ и „Meet the Browns“.

Нејзе и било кажано да ослабе ако сака да биде славна.

Повеќето од холивудските ѕвезди кои ги гледаме на црвениот тепих се слаби, па дури и најмала облина на нивното тело е критикувана. И токму тоа требала да го помине Софија. Луѓето и рекле дека нема да успее во Холивуд бидејќи изгледа голема на фотографиите.

И покрај тоа што и било тешко да успее во Холивуд како жена со раскошни облини, таа одби да го промени своето тело.

На почетокот на кариерата, Софија не можела да најде облека што ќе и прилега и тешко се облекувала за настани на црвениот тепих. Фустаните најчесто биле големина 0, а таа не можела да се вклопи во нив.

„Тоа беше кошмар. Никогаш не можев да носам многу модерни работи. Тоа беше се што остана. Мораше да биде оној што одговара“. Луѓето велеле дека диетата е решението, но таа се одлучила да не ги слуша другите. „Ми рекоа да ослабам, но јас ги задржав моите облини“.

Нејзиниот публицист ѝ велел дека можеби треба да ги намали градите.

Мајката на Софија ја убедила да не ги намалува градите затоа што многу жени се очајни да имаат граден кош како нејзиниот. Затоа Вергара го игнорирала советот на својот публицист и решила да не ги менува своите облини.

„Многу сум горда на моето тело и на начинот на кој изгледам. Би била неблагодарна да кажам: „Ох, многу сум лута затоа што луѓето само ме гледаат и го гледаат моето убаво лице“. Му благодарам на Бога за тоа што ми го даде и го користам тоа“, откри таа во едно интервју.

Софија докажа дека останувањето верна на себе е уште еден чекор напред кон успехот.

Иако луѓето се обидувале да ја убедат да го промени својот изглед и шпанскиот акцент, тие атрибути биле причината таа да ја добие улогата на Глорија Причет во „Modern Family“. Ова шоу ја прослави и стана најплатената актерка на телевизија 7 последователни години.

Дали мислите дека Софија ќе беше толку позната како денес доколку попушти под притисокот и го смени своето тело?