Сопруг поставил скриена камера и ја фатил сопругата дека сака да го отруе

Дерматолог од Калифорнија, беше уапсена под сомнение дека го отрула својот сопруг, зашто била фатена на дело откако нејзиниот партнер поставил камера за дадилка во кујната на парот во нивниот дом од 2,7 милиони долари.

На снимката се гледа дека Јуе „Емили“ Ју (45) во повеќе наврати го става „Драно“ – бренд на чистач на одводи – во лимонадата на нејзиниот сопруг Џек Чен. Чен, радиолог, ѝ рекол на полицијата дека му се слошило и се здобил со сериозни повреди пред да им ги предаде видео доказите за кои вели дека го докажуваат неговото тврдење. Тој сега бара развод по 10 години брак и тврди дека Ју со години ги малтретирал него и нивните две деца.

Таа им викала „ОДИ УМРИ“ на сопствените деца

„Кога Емили ќе се фрустрира и ќе им вика на децата, таа вообичаено ќе користи кинеска фраза што во превод значи „оди умри“, напиша Чен во судската изјава додека бараше забрана за приближување на неговата сопруга.

„Исто така, на децата им вели: „главата ви е проблем“, „болни сте во главата“, „одете е*ете се“, „идиоти сте“, „глупави се*ковци“ и „тргнете ми се од патот“, напиша Чен.

Ју беше уапсена во четвртокот околу 18 часот пред нејзината канцеларија за дерматологија лоцирана во Mission Viejo, приближно 25 километри оддалечена од домот на парот во Ирвин, Калифорнија, изјави поручникот Бил Бингам.

Чен се јавил во полицискиот оддел истиот ден тврдејќи дека бил отруен.

Бингам рече дека Чен се јавил во полицискиот оддел во Ирвин претходно истиот ден во четвртокот и споделил со нив дека „бил отруен од неговата сопруга“ и рекол дека има „видео докази да сподели“. „Нашите полицајци го прегледаа видеото“, рече Бингам, пред Ју да биде уапсена поради сомневање дека го отрула нејзиниот сопруг.

Бингам додаде: „Наводите што ги изнесе сопругот беа неверојатно сериозни и сметавме дека е важно да преземеме брзи истражни дејствија за случајот врз основа на тврдењето“.

Ју не е обвинета, но на Чен му е одобрена привремена забрана за приближување на неговата сопруга додека полицијата продолжува со истрагата.

Не се појавија мотиви за шокантното злосторство.

Чен рече дека тој и Ју се запознале во 2011 година, а парот се венчал една година подоцна на 4 јули 2012 година. Чен тврди дека однесувањето на неговата сопруга се променило откако во 2013 и 2014 година се родиле нивниот син и ќерка, кои сега имаат седум и осум години.

„Веќе двегодишните Емили и Ејми беа вербално, а потоа и физички малтретирани, што се интензивираше како што растеа“, рече Чен.

Чен тврдеше дека Ју ја тепала нејзината ќерка кога имала три години бидејќи го мокрела креветот. Ју, исто така, постојано го удирала нејзиниот син по главата и рацете кога имал две години.

„Кога децата ќе заспијат без дозвола, дури и ако после 23:00 таа ги будеше, бараше да одат во нејзината соба, ги затвораше таму и ги оставаше да плачат“.

Кога децата ќе свиреа пијано после училиште, Ју наводно им кажувала дека се „глупави“ додека не заплачат.

Ју била уапсена во нејзината канцеларија откако била интервјуирана од полицијата.

По наводното труење, Бингам рече дека Чен почнал да развива симптоми кои се влошиле во текот на минатиот месец. Тој рече дека Чен побарал лекарска помош откако се разболел, но не можел да даде детали дали тестот на крвта го открил отровот во неговиот крвоток.

Бигнам дека видел случаи на „случајно труење кај децата“, но рече дека случаите на „намерно труење“ не се вообичаени.

„Ова го правам 22 години и ова е многу необичен и уникатен случај“, рече тој.

Адвокатот на Ју, Дејвид Е. Вол, во вторникот изјави дека неговата клиентка „апсолутно и недвосмислено негира дека го труела нејзиниот сопруг или некој друг. Таа е шокирана поради обвинувањата против неа“, рече Вол. „Лажните наводи изнесени во обид да се добие предност во случајот за развод и старателство што нејзиниот сопруг го поднесе против неа“.

Таа ги негира и сите наводи дека ги злоставувала своите две деца и тврди дека е извонредна мајка.

Кога побарале од Вол да го погледне видеото на кое се гледа дека неговата клиентка става средство за одводи во лимонадата на нејзиниот сопруг, тој одговори:

„Видеото не прикажува никакво злосторство во име на мојот клиент и не прикажува како таа се обидува да го отруе својот сопруг. Тоа е сè што можам да кажам во моментов“.

Откако случајот бил обелоденет и Ју беше уапсена, таа не се вратила на работа.

„Таа е многу почитуван дерматолог во округот Оринџ многу години, се разбира дека тоа влијае на нејзината репутација и вработување како што можете да очекувате“, рече Вол.

Судењето на Ју е закажано за 3 ноември во 8:30 часот во пристанишниот суд во Њупорт Бич, Калифорнија. Дотогаш, Вол рече дека неговата клиентка ќе биде „зафатена со подготовка за нејзината одбрана“. Тој додаде: „Убедени сме дека таа ќе ја врати својата добра репутација кога ќе заврши ова“.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!