106 годишна бабичка за роденден си добила „гол келнер“ кој ја фасцинирал со неговиот изглед

Подарокот на Нора Шо од нејзината ќерка, за нејзиниот 106-ти роденден, бил гол келнер – чии гради без влакна ја оставија роденденската девојка особено „импресионирана“.

„Тоа беше спонтано, во најмала рака“, рече Нора во саботата. „Имав апсолутно прекрасен ден, беше прекрасно од почетокот до крајот!“

Гозбата беше роденденски подарок од нејзината ќерка Гил Шо (67), пензионирана парохиска службеничка и адвокатка, откако на шега Нора рекла дека сака „згоден маж“ за нејзиниот голем ден.

„Еди беше висок, имаше убави очи и беше многу привлечен. Воопшто немаше влакна на градите, што ме импресионираше. Никогаш не сум видела такво нешто“, рекла Нора.

Агенцијата за која работи батлерот Еди ги понудила своите услуги бесплатно тој ден за да ги оствари желбите на Нора.

Нора, која е родена во Манчестер, живеела самостојно додека не се преселила во домот за стари лица „Ист Мидлендс“ на 105-годишна возраст.

Нора била толку возбудена поради нејзиниот роденден што се разбудила во 5.30 часот, неколку часа пред нејзината прекрасна гозба.

Размислувајќи за својот долг живот, таа рекла: „Не можам да ја откријам тајната за тоа како живеам толку долго или нема да биде тајна!“

Нејзината ќерка Гил вели „Таа е историска книга што оди и зборува. Таа видела и поминала низ сè. Автомобилите можат сами да возат сега, а никој немал автомобили кога таа се родила“.

За 90-тиот роденден на Нора, неразделните мајка и ќерка отпатувале во Лондон на попладневен чај во луксузниот Клариџ. А, за нејзиниот 98-ми роденден, тие отпатувале во „Риц“ во Лондон и во лимузина уживале во чај и бисквити.

Гил вели: „Толку сум горда на неа. Кога имаше 85 години, мислев дека нема да имаме уште многу родендени, па почнав да правам посебни работи за неа. Тука сме 21 година подоцна, сè уште славиме“.

„Таа многу ме поддржуваше во текот на мојот живот и мислам дека ова е најмалку што можам да сторам за неа.

„Нашите животи се многу испреплетени и не би можела да живеам без неа“.

Нора „никогаш не била во болница“ до својата 95-та година, кога имала операција, откако и бил дијагностициран рак на дебелото црево. Дури и откако го фатила „Ковид“ вирусот претходно оваа година, таа имала само еднодневна кашлица.

„Таа е најстарата од четирите и ги надживеа сите нејзини браќа и сестри“.

Сега Нора го живее животот во целост, благодарение на персоналот во нејзиниот дом за нега.
Гил вели: „Не можам доволно да изразам колку сум им благодарна. Тие навистина ја прават среќна“.