Добил на лотарија доживотно да зема 10.000 евра месечно, а девојка му нашла начин како да му ги собере парите и да го откачи

Лора Хојл (40) и Кирк Стивенс (39) од Нотингем, освоиле џекпот на извлекувањето на Националната лотарија „Set For Life“ – вкупно 4,2 милиони евра, поделени во текот на 30 години.

Стивенс ја пуштил госпоѓицата Хојл да живее со него во неговата куќа со три спални соби од 300.000 евра, бидејќи „не очекувал таа да плаќа кирија“, но имале договор дека таа ќе плаќа 25 фунти неделно за лотарија.
Договорот се исплател за парот, но г-дин Стивенс тврдел дека госпоѓицата Хојл сега раскинала со него, го отфрлила од добивката и дури ги барала нивните две кучиња.

Двојката рекла дека планира да основа бизнис за „лов“ на духови и биле фотографирани додека го држат својот чек – потпишан од двајцата.

Г-дин Стивенс тврди дека треба да му се даде дел од добивката по разделбата, но иако на чекот за добивката што му беше врачен на парот ги имало и двете нивни имиња, билетот бил купен со картичката на госпоѓица Хојл.

Сите добивки на „Лото“ се исплаќаат на поединец, дури и во синдикат, и според ова победничката сметка е нејзина.

Меѓутоа, година и пол подоцна, госпоѓицата Хојл му раскинала на Стивенс, купила нова куќа и си го земала џек потот.

Претходно оваа година госпоѓица Хојл рекла дека парот планира да оди во „Дизниленд“ Париз во текот на летото, како и „многу други возбудливи места“, но г-дин Стивенс тврди дека таа веднаш потоа му раскинала.

Осврнувајќи се на дозволувањето на госпоѓицата Хојл да живее без кирија во неговиот дом од 300.000 евра, тој рекол дека таа прашала колку кирија да му плати, откако ја добила лотаријата, но „што се однесува до мене, таа ми беше девојка“- вели Стивенс.

„Бевме двојка, живеевме заедно во мојот дом. Освен тоа, никогаш не очекував дека ќе освоиме нешто“.

„Лаура беше без работа, но имаше пари од продажбата на нејзината куќа. Можеше да ми плати кирија, но јас не сакав. Бев среќен со она што го имавме.

„Имавме планови за иднината. Ќе купевме имоти заедно и ќе изградевме империја“.

Г-дин Стивенс рекол: „Ја сакав Лора и сакав да го поминам остатокот од мојот живот со неа“. Но, чувствував дека Лора не сака да се обврзе и дека парите се дел од проблемот.