СТАРО-НОВ ТРЕНД: Покорни или угнетени сопруги? Жените ја напуштаат кариерата за да бидат домаќинки со полно работно време

Сè поголем број жени се појавуваат на социјалните мрежи за да разговараат за нивните животи како „покорни“ сопруги и девојки, ја напуштаат работата за да се грижат за своите партнери со полно работно време. Видеата на ТикТок , под хаштагови вклучувајќи #submissivewomen, #submissivewives и #tradwives, вклучуваат и мажи и жени кои разговараат за начинот на живот, што значи тоа за нив и зошто уживаат во него.

Помеѓу илјадниците видеа на интернет има и видеа во кои се прикажани домаќинки од САД и Велика Британија кои разговараат за тоа колку се среќни што го напуштиле феминизмот и го замениле со „женственост“, одлучувајќи да се откажат од финансиската независност и контрола и да ги заменат со домашни работи и потчинување на нивните сопрузи и дечковци.

Добро познатата „традиционална жена“ Алена Кејт Петит, основач на веб-страницата за животни стилови The Darling Academy, пишува на својот блог дека научила да се сака себеси и нејзиниот женски идентитет откако раната средовечна криза ја оставила емоционално уништена и прашувајќи се зошто светот, и покрај сите негови можности, ја натерал да се чувствува толку незадоволно од нејзиниот живот и како наводните „модерни и моќни“ избори ја уништиле нејзината самодоверба.

Таа ја отфрлила својата стресна лондонска кариера за да живее традиционален живот на домаќините, кој вклучува живеење со додатокот кој и го дава сопругот, а кој, ако е штедлива со трошоците смее остатокот да го задржи за себе. Според Алена, таа никогаш не била посреќна.

На друго место, покорната сопруга Јасмин Браун, дополнително го осветлува начинот на живот во вирален ТикТок. На прашањето во видеото што прави една покорна жена за својот маж, Јасмин вели: „Сè. Само да се осигурам дека тој ги добива сите работи што ги сака, и прилично му ги читам мислите“.

Таа додава: „Знаеш, сакам да го гледам како го јаде оброкот што јас го готвам. Сакам да го гледам како спие секоја вечер и да го чешам по грбот додека спие“.

Креаторката на ТикТок профилот mrs.pocketwatch неодамна сподели видео со наслов „Ајде повторно да го направиме женственото приоритет“. Видеото содржи фотографии со натписи: „Да, јас се занимавам со готвење. Јас ги одгледувам неговите бебиња. Да, јас го правам целото чистење. Да, јас ги перам сите алишта“.

„Затоа што сум тажна? Не! Затоа што сум угнетена? Не! Затоа што мислам дека сум совршена? Не! Затоа што сум глупава или безвредна? Апсолутно не!“.

Таа додава дека целосно се исполнува од грижата за сопругот, децата и домот, опишувајќи го тоа како нејзин „повик“.

Содржината стана толку распространета што дури инспирираше една жена да предизвика дебата откако ги праша луѓето што мислат за растечкиот тренд жените да бидат „покорни“ на нивните машки партнери.

Одговорите беа поларизирани – додека некои испитаници се согласија дека е „лудо“, други рекоа дека „сакаат да бидат покорни“.

Еве дел од коментарите:

„Она што е толку лудо за ова е тоа што ЖЕНИТЕ го кажуваат ова“.

„Мислам… Мислев дека одамна го надминавме овој менталитет???“

„Дали ова е движење што произлегува од овие алфа машки подкасти? Што се случува?“

Една жена прокоментира дека жените се мрзливи и сакаат лесен живот и ваквото однесување го гледаат како билет за таков живот. И дека и сопругот би ја изгубил почитта за неа доколку таа стане таква. Дури и таа би ја изгубила почитта за себе.

Додека пак една жена даде психолошки осврт на сето ова: „Сепак, ми се чини дека тоа би можело да биде природна реакција на лагата на мојата генерација дека жените можат лесно да „имаат се“. Не велам дека жените треба да почнат да бидат покорни, или сами, или што и да е, но мојата генерација беше под притисок да го одложи мајчинството што е можно подоцна и да работи неверојатно напорно и да очекува успех во кариерата што е многу тешко да се комбинира со одличен родител на неколку деца… Многумина од нас се прилично огорчени поради тоа.“

Додека пак друга истакна дека трендот има тенденција да се појавува на секои неколку години, додавајќи: „О, ова се случува на секои десет години – порано беше „предадена сопруга“ и имаше книги што можеше да ги купите. Порано ме фасцинираше. Но како функционира ова со навредлив човек кој ги троши сите семејни пари на себе и не се враќа дома три до пет дена одеднаш?