Илјадници луѓе учествуваа на протестниот марш во неделата во Париз против трошоците за живот во Франција и неуспехот на владата да преземе мерки за борба против климатските промени.

Додека организаторите, предводени од шефот на партијата France Unbowed, Жан-Лук Меланшон, ја проценија бројката на повеќе од 140.000, француската полиција претходно предвиде дека ќе присуствуваат околу 30.000 протестанти, а официјалната бројка ќе ја објават подоцна.

За време на маршот беа ангажирани околу 2.000 полицајци заради безбедносни мерки.

И повторно, најголемите светски медиуми молчат за настанот.

Демонстрантите извикуваа слогани против полицијата и францускиот претседател Емануел Макрон.

Според извештаите, меѓу демонстрантите била и француската писателка Ани Ерно, која оваа година ја доби Нобеловата награда за литература.