„Бев одбиена за влез во ресторан во Париз, поради моето „бујно“ деколте!“, инфлуенсерка на „ТикТок“ поттикна дебата на оваа тема и погледнете што велат нејзините фанови за ова!

Инфлуенсерка на „TikTok“, Полска Бабинкс, критикуваше еден ресторан во Париз затоа што наводно ѝ бил одбиен влез поради нејзиното разголено деколте.

Полска, која има речиси 700.000 следбеници, објави видео од нејзиното соочување со шефот на парискиот ресторан на 1 ноември, кое стана вирално со 3,3 милиони прегледи.

Кога клипот почна да кружи, почна дебата меѓу корисниците на „ТикТок“, за тоа како се облекуваат жените во Франција- при што многу луѓе рекоа дека се на страната на сопственикот на ресторанот.
Оттогаш таа објави две објави по ред, кои се прегледани 460.000 и 223.000 пати соодветно.
Полска рекла дека отишла во ресторанот со пријателка, но била запрена на врата од сопственикот затоа што тој наводно почувствувал дека се несоодветно облечени.

Откако била одбиена првиот пат, инфлуенсерката се вратила да ја сними реакцијата на човекот.
На снимката, сопственикот на ресторанот тврди дека и двете жени не се „облечени како што треба“.

Полска, која редовно објавува видеа на кои таа носи деколтирани фустани за својата армија обожаватели, објасни: „Мојата пријателка Тотатис и јас бевме спречени да влеземе во овој ресторан поради нашето деколте“.

Инцидентот предизвика дебата во Франција со неколку јавни личности кои влегоа во кавгата.

Телевизискиот водител Бенџамин Касталди, колумнистката Даниел Моро и продуцентот Гијом Гентон изјавија дека сочувствуваат со сопственикот на ресторанот, наведувајќи дека тој има целосно право да одбие влез.

Армијата следбеници на Полска, исто така, имаше многу што да каже за инцидентот, при што еден корисник коментираше: „За мене, тоа има смисла. Ви треба минимум почит кон луѓето и ресторанот“.

Друг корисник напишал: „Па, тоа е како да влегувате во продавници во костим за капење во лето, тоа е забрането. Потребна е правилна облека. Девојко, оди во „Мекдоналдс“.

„Секој ресторан има право да каже дали фустанот на клиентот е исправен или не и има право да одбие влез“.