50-годишен Кинез истрча маратон од 42 километри пушејќи една по друга цигара! Погодете колку време траеше пушењето, односно трчањето?

Маратонците се сметаат за едни од најздравите спортисти на планетата – но не и овој кинески тркач познат како „вујко Чен“, кој стана вирален поради цигарите што ги пуши една по друга додека се натпреварува.

Чен, на возраст од 50 години, неодамна го заврши маратонот во Ксинјанг во Џианде, Кина додека пушеше во текот на 42-километарскиот натпревар за издржливост. Фотографиите станаа вирални, а организаторите на настанот потоа го споделија неговиот завршен сертификат.

Но Кинеската сензација има историја на пушење додека трча, тој трчал и на маратонот во Гуангжу 2018 и на маратонот Ксиамен во 2019 година додека пушел. Во 2018 година, Чен постигнал време од 3 часа 36 минути, а во 2019 го истрчал за 3 часа и 32 минути.

Овој пат Чен заврши на 574 место од речиси 1.500 тркачи, постигнувајќи импресивно време од 3:28:45.

На интернет има и докази дека тој трча и ултрамаратони, при што еден е 50 километри, а другиот трае 12 часа.

Чен, исто така, очигледно стана познат како „Братот што пуши“ во тркачките кругови по настанот во 2017 година во градот Хангжу. Реакциите за неверојатниот спортист се различни – некои луѓе ги поздравуваат неговите способности, додека други мислат дека тој дава лош пример.

„Тука оди мојот херој. Гледајте го додека пуши“, напиша еден корисник на Инстаграм.

„Замислете да бидете заглавени зад него цела трка“, рече друг.

„Значи, вака изгледа врвната изведба“, се пошегува трет.

Во моментов не постојат правила кои им забрануваат на маратонците да пушат цигари додека се натпреваруваат.