Што сѐ има на ноќната маса на најбогатиот човек на светот? Илон Маск открива мал дел од својата приватност и откажувањето на зависноста од кофеин

Илон Маск на „Твитер“ ја покажа својата ноќна маса во понеделник наутро, откривајќи дека е преполна со празни лименки диетална кока-кола без кофеин и реквизит пиштоли.

51-годишниот милијардер, кој ја објави сликата без контекст, покажа дека има пиштол со реплика што изгледа дека е направен по моделот на револверот „Diamond Back .357“ од видео играта „Deus Ex: Human Revolution“, и нешто што изгледа како будистичка важра, која ссе користи за да се отфрлат непријателите.
Во близина на лименките на ноќната маса можеа да се видат прстени. Маск, кој претходно зборуваше дека ја отфрла својата „смешна“ зависност од кофеин, напиша: „Нема оправдување за мојот недостаток на подметачи“.

Тоа се случи само еден ден откако најбогатиот човек на светот сподели податоци кои покажуваат дека говорот на омраза на „Твитер“ е намален по неговото преземање од 44 милијарди долари минатиот месец.

Бројките се контрадикторни на извештаите во кои се тврди дека говорот на омраза се зголемил откако Маск го презеде кормилото.

Маск претходно зборуваше за тоа како ја отфрлил својата зависност од кофеин додека се трудел „Tesla“ да ја направи една од најистакнатите автомобилски марки во светот.
Во 2014 година, тој изјави за германскиот автомобилски магазин „Auto Bild“ како останува буден секоја вечер пиејќи диетална кока-кола.

„Веројатно имало моменти кога пиев околу осум лименки на ден или нешто слично“, рекол тој. „Мислам дека деновиве, пијам по една или две“.

Тој додал дека бил зависен и од кафе, велејќи: „Порано пиев толку многу кафе… што навистина не знам како преживував“. Маск рече дека оттогаш се обидува да го замени кафето со вода.
Деновиве, Маск ја користи својата енергија за да се фокусира на проширување на својот нов потфат – „Твитер“.

Извршниот директор, исто така, објави дека регистрираните нови корисници биле на највисоко ниво на сите времиња, во просек над два милиони дневно во изминатата недела. Овие бројки се во директен контраст со претходните извештаи кои сугерираа дека говорот на омраза се зголемил откако Маск го презеде гигантот на социјалните мрежи.

Во неделата што започнува на 31 октомври, првата цела недела под сопственост на Маск, „Центарот за борба против дигитална омраза“ тврдеше дека употребата на расистички, хомофобични, трансфобични и антисемитски навреди значително се зголемил откако тој ја презел функцијата на 27 октомври.

Пронајдени се 26.228 твитови и ретвитови во кои се споменува расистичката навреда n****r, тројно повеќе од просекот во 2022 година. И навредата „f****d“ е зголемена за 39 проценти со 21.903 твитови и ретвитови, додека 2.598 твитови и ретвитови во кои се споменува „h*e“, што е за 23 проценти повеќе во однос на просекот во 2022 година.

Центарот рече дека бројките покажуваат дека обемот на твитови со омраза се зголемил – и покрај тврдењата на шефот за доверба и безбедност на „Твитер“, Јоел Рот, дека компанијата успеала да го намали бројот на пати кога говорот на омраза бил забележан на пребарување.