„Заработуваат на вашата несигурност!“ – Бремената ријалити ѕвезда Ешли Џејмс во бикини и долна облека со моќна критика до индустријата за убавина

Бремената Ешли Џејмс се огласи на Инстаграм и ја покажа својата прекрасна фигура во охрабрувачка објава за позитивноста на телото.

Поранешната ѕвезда на „Made In Chelsea“ (34) – која го дели својот син Алфи (23 месеци) со нејзиното момче Том Ендрјус и е бремена со нивното второ дете – облече бикини и долна облека за искреното видео. Таа го стисна стомакот и помина со прстот преку стриите изјавувајќи дека „луѓето заработуваат пари од тоа што се чувствуваш несигурно“.

Ешли им порача на своите следбеници дека „не ви треба ново тело, кога тоа што го имате веќе направило толку многу за вас“.

Таа напиша во објавата: „Па, повторно е тоа време од годината! Нашата божиќна вечера едвај се свари и веќе сме бомбардирани со реклами за слабеење кои се обидуваат да не убедат да се чувствуваме несигурни. Продавајќи ни ја лагата дека ќе бидеме посреќни, поздрави и посамоуверени ако ги казниме нашите тела. Но, само затоа што е Нова Година, не значи дека ни треба ново тело! Ве молиме, не паѓајте на овој годишен токсичен наратив и запомнете дека без разлика дали се работи за најновата програма за слабеење на познати личности или производ – тие заработуваат пари од вашите несигурности“.

Долгиот пост продолжи: „Се разбира, сите треба и би можеле да се стремиме да бидеме поздрави! Но, здравјето не е секогаш еднакво на губење на тежината – особено ако се работи за некоја неодржлива диета или фитнес режим. Бев најнездрава кога бев најслабата верзија од себе. Исто така, тоа никогаш не ми донесе љубов или висока самодоверба. Тоа ме натера да се опседнам со мојот изглед. Ме направи повеќе самокритична. И ме убеди кога би можела само да го сменам мојот изглед, би бил посреќна и поубава. НО НЕ БЕВ. Тоа беше дури кога научив да се сакам и прифаќам себеси и да ценам дека мојата вредност и работите што ми донесоа радост не беа поврзани со мојот изглед“.

„Очигледно оваа година влегувам во Новата година во текот на 30-та недела од бременоста и сум во таа фаза кога сè е малку непријатно. Моите гради се огромни, тешки и неудобни. Мојата стара облека веќе не ме собира. Но, јас сум многу восхитена од моето тело. Секој среќен спомен на кој се навраќам е за искуствата што сум ги доживеала, за работите што сум ги направила, за луѓето што можам да ги гушкам и сакам, и за храната што сум ја пробала“

Таа на крај напиша: „Заслужувате да уживате во храната со семејството и пријателите. Не дозволувајте луѓето да ве убедат дека треба да го промените вашиот изглед за да можат да профитираат од вашите несигурности. Многу љубов“.