10 познати личности чиишто посебни деца им ги исполнија срцата со безусловна љубов и разбирање

Улогата на родителството е позната по своите предизвици и таа и онака огромна работа станува уште потешка кога станува збор за воспитување на дете со посебни потреби. Но, тоа може да биде исто толку наградувачко. Неколку познати личности покажуваат како е тоа така зборувајќи за нивните блиски односи со нивните посебни деца.

1. Роберт Де Ниро

Роберт де Ниро и Грејс Хајтауер го имаат синот Елиот и сакаат да го чуваат неговиот живот приватен. Но, во 2016 година, тие открија дека на Елиот му бил дијагностициран аутизам. Тие веруваат дека е важно „сите прашања околу причините за аутизмот да бидат отворено дискутирани и испитани“. Де Ниро вели: „Не сакам да се чувствувам емотивно, но точно знам низ што поминува“.

Хајтауер и Де Ниро беа решени да му овозможат на својот син место каде што може да биде ценет и да биде тој, а тенисот се покажа како тоа место. „Тоа му помогна социјално да биде посамоуверен кога ќе види дека е навистина добар во ова“, објасни Де Ниро додека зборуваше за вклученоста на неговиот син во тенисот. „Тој ќе се чувствува подобро за себе, така што тоа е победа за сите“.

2. Катерина Скорсоне

Ѕвездата од канадското потекло од „Греј’с анатоми“ има слатко бебенце по име Палома, кое е секогаш присутно на социјалните мрежи на 39-годишната актерка. Палома е родена со Даунов синдром и од нејзиното раѓање во 2016 година, Катерина стана истакнат глас на социјалните мрежи за подигање на свеста за оваа состојба.

Во своите интервјуа Катерина дава моќни изјави за нејзината ќерка. Таа вели: „Пипа е поинаква. Така сте и вие и јас. Пипа има потреби кои се специфични за начинот на кој е направено нејзиното тело. Имам потреби кои се специфични за начинот на кој е направено моето тело. Сите ние го правиме тоа“. Таа признава дека на почетокот била исплашена, бидејќи не знаела ништо за оваа состојба, но подоцна почувствувала дека разликата на Пипа запалила кибрит во нејзиниот живот и во животот на нејзиното семејство.

3. Аманда Бут

Манекенката, мајка и застапничка Аманда Бут работи на тоа да ја направи многу потребната промена во медиумската и модната индустрија, благодарение на инспирацијата од нејзиниот син Мика, кој има Даунов синдром и аутизам. Аманда вели дека првпат почнала да ја забележува оваа потреба кога се вратила на работа откако го родила Мика. „Почнав да забележувам кога излегувам на работа за работи, дека постојано ќе има бебиња на кастинзи. И јас мислев: „Зошто никој не го бара моето бебе на овие кастинзи?“ се сеќава таа.

Бут вели дека една од многуте нејзини омилени работи за Мика е неговата способност да чувствува добродушност кај другите. Таа го нарекува барометар кој ја покажува љубезноста кај сите кога тој влегува во соба. Аманда навистина напорно работи за да му помогне на светот да види поразновидна убавина и не се плаши да одговори на туѓите прашања за состојбата на нејзиниот син. Таа вели дека е подготвена да објасни зошто нејзиното дете поттикнува или не се однесува како никој друг, и тоа го прави доброволно и за сите кои се заинтересирани.

4. Дениз Ричардс

Дениз Ричардс ја посвои Елоиз не долго откако се роди. Подоцна ѝ беше дијагностицирано бришење во хромозомот 8, што влијаеше на нејзиниот развој. Долго време Елоиз не можела да седи сама, а не одела до својата 2 година.

Денис не знае дали ќе може да зборува како типично дете, но дава сѐ од себе да остане оптимист. „Како родител, вие го сакате она што е најдобро за вашите деца и само го правите тоа“, вели Ричардс. Денес, нејзиното „слатко ангелче“ како што таа го нарекува, има 11 години, го сака животот и секогаш е среќна.

5. Силвестер Сталоне

Кога некој ќе го слушне името Силвестер Сталоне, веднаш помислува на Роки: тврд човек со уште потврдо срце. На синот на Сталоне, Сеаргео, му бил дијагностициран аутизам на многу млада возраст, а еве што имал да каже неговиот татко за сето тоа; „Мораме да го прифатиме Сергео онаков каков што е и да разбереме дека неговиот начин е само потивок и резервиран“. Сеаргео се појави во „Роки 2“, како новороден син на Роки.

6. Кејти Прајс

Кејти Прајс е многу успешна и убава дама, а исто така е и мајка. Нејзиниот син Харви е роден во 2002 година и му бил дијагностициран аутизам, слепило и Прадер-Вили синдром. Една од најголемите грижи за оваа состојба е тоа што детето нема способност да каже кога е сито, па затоа продолжува да јаде. Ова може да доведе до дебелина и дијабетес тип 2, а секој од нив има свои медицински несакани ефекти.

7. Џон Мекгинли

Познатиот актер Џон Мекгинли има син по име Макс кој има Даунов синдром и тој активно се занимава со градење на свеста и застапува за лицата со Даунов синдром. Во 2011 година, Џон ја доби наградата за исклучително застапување на Фондацијата Квинси Џонс за неговата работа поврзана со лицата со Даунов синдром и луѓето со пречки во развојот воопшто.

8. Колин Фарел

Кој би помислил дека лошото момче на Холивуд е татко на дете со посебни потреби? Синот на Колин Фарел, Џејмс, страда од генетска состојба наречена Ангелман синдром. Оваа состојба може да предизвика отсечени движења. Колин има направено многу работи со Фондацијата за Ангелман синдром и вели: „Кога сте родител на дете со посебни потреби, важно е да чувствувате дека не сте сами“. Тоа е причината поради која почнал да работи со фондацијата.

9. Кристофер Горхам

Ѕвездата на „Грдата Бети “, Кристофер Горхам има син по име Лукас, кому му беше дијагностициран Аспергеров синдром на околу 9 -годишна возраст. „Вознемирувачки е да се слушне дека нешто не е во ред со вашето дете“, рече тој за дијагнозата. „Во исто време, олеснување е да знаете што не е во ред со вашето дете, бидејќи ако знаете што не е во ред, тогаш можете да започнете да преземате чекори за да му помогнете“.

10. Гери Кол

Актерот Гери Кол првпат се посомневал дека неговата ќерка Мери е посебна кога имала 2 години. Таа не обработувала информации како тоа го правеле другите и не ги сфаќала социјалните знаци. Таа била дијагностицирана со аутизам, но водела нормален живот. Таа добила терапија и помош од личен помошник, кој и помогнал да посетува редовни основни и средни училишта во Калифорнија. Советите на Гери до родителите кои можеби имаат посебни деца е: „Барајте одговори и колку порано – толку подобро“.