Дали 20-годишна девојка може да издржи 2 дена без телефон? Девојкава го прифати предизвикот и погледнете како ѝ помина викендот

Една девојка останала изолирана и исклучително осамена откако ги оставила телефонот и лаптопот на еден викенд.

Еми Килин, од Ланкашир, која е дел од технолошки опседната генерација Z, рече дека исклучувањето од интернет и нејзиниот паметен телефон е „најтешкото“ нешто што некогаш го направила.

21-годишната девојка постојано посегнувала во џебот и очекувала да го најде мобилниот.
Таа вели: „Толку сум навикната да го имам мојот телефон покрај мене и лесно да можам да контактирам со луѓето во мојот живот“.

„Кога излегов надвор, речиси како да бев напуштена, да морав да се потпирам на други за работи како насоки или да барам работи на интернет. До вториот ден се чувствував многу ниско, не можејќи да бидам во тек со вестите, да се дружам со пријателите или да му праќам пораки на моето момче“.

Еми си дала неколку задачи, вклучително и правење буџетски оброци, одење на шопинг за храна само со готовина и користење телефонска говорница.

Таа додаде: „Единствениот дел од викендот во кој уживав беше користењето на телефонска говорница, можеби звучи глупаво, но никогаш порано не сум го направила тоа. Но, од друга страна, се сеќавам дека стоев таму и се што сакав да направам е да се фотографирам за да го споделам искуството со пријател, а не можев. Исто така, имав само 60 пени во готовина, па кога тетка ми не ми крена слушалка, немав начин да дојдам до неа и морав само да си одам дома“.

Во видеото, Еми, која работи како новинарка, зборува за емотивната загуба што немала телефон со неа.

Таа додаде: „Пред ова искуство, секогаш претпоставував дека повеќето луѓе имаат телефон. Иако знам дека тоа не е така, тешко е да се заобиколам. Ова го правев само два дена, за некои луѓе ова е секојдневие. Вознемирувачки е да се мисли дека луѓето немаат пристап до нешто толку суштинско во денешно време“.