Застрашувачки момент кога џиновски алигатор едноставно ја пробива новопоставената метална ограда во голф-клуб во Флорида

Видео камерата снимила застрашувачки момент кога огромен алигатор едноставно ја пробива новопоставената метална ограда во голф клуб во Флорида.

Локален метеоролог го сподели видеото кое има над милион прегледи на Фејсбук и 50.000 лајкови на Инстаграм .

„Проверете го овој голем „човек“ што ги свитка алуминиумските шипки“, напиша Мет Девит.

Алуминиумот се смета за лесен метал, објаснувајќи како огромниот алиггатор успеал толку лесно да се пробие низ оградата. Но, многу послаби материјали се користат и за изградба на огради за да ги задржат влекачите надвор од дворовите на луѓето, предизвикувајќи стравувања за тоа што ќе се случи ако овој алигатор се најде на таква „пречка“.

Познато е дека алигаторите од Флорида повеќе се движат наоколу во пролетниот период, а во минатото биле видени како се качуваат преку огради, но овој алигатор очигледно сакал пократка рута. Девит забележа дека лицето кое првично го снимило видеото рече дека алигаторот на крајот целосно го пробил патот до другата страна.

Државата е дом на околу 1,3 милиони алигатори и кога се подолги 1.2 метри, се сметаат за закана за луѓето.

Инцидентот снимен претходно оваа недела доаѓа само неколку недели откако 85-годишна жена била убиена од огромен алигатор во државата Саншајн.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!