Загубен часовник „Картие Сантос“ во вредност од 20.000 долари, се вратил кај својот сопственик благодарение на добрината на едно дете!

Еден постар човек останал уништен откако го загубил својот скапоцен часовник „Картие Сантос“ од 1975 година, кој му испаднал од џебот на своето секојдневно пливање на плажата Балморал на долниот северен брег на Сиднеј претходно оваа недела.

Семејството се обратило до британските иселеници Сајмон Шејв и Меган Бруммер за помош, бидејќи брачната двојка Мосман наоѓаат бројни изгубени богатства на плажата во слободно време.
И 10-годишниот син на двојката Џош Шејв одлучил да се вклучи во потрагата и да си ја проба среќата со својот детектор за метал.

Вооружени со детектор и гребло, таткото и синот се упатиле на плажата Балморал во вторникот попладне.
Детекторот за метал почнал да вибрира за неколку минути, а не долго потоа, часовникот бил пронајден 20 сантиметри длабоко во песокот во близина на скалите што водат на плажата.

Џош веднаш знаел дека часовникот ќе биде неговото најдобро откритие до сега.

„Слегов со татко ми и пред да седне, веднаш го добив првиот сигнал на детекторот. Мислам дека тој очекуваше да бидеме таму многу подолго“.

Џош го има детекторот за метал веќе 18 месеци.

Благодарниот сопственик му дал на Џош необјавена сума „џепарлак“ како награда за неговата чесност.

„Беше навистина среќен“, вели Џош.

Г-дин Шејв и неговото семејство се страствени нуркачи кои само ова лето пронајдоа десетици изгубени богатства во Балморал, вклучувајќи телефони, неколку „Apple“ часовници и скап Fitbit.