10 познати личности чии деца со посебни потреби ги научиле на сосема поинаков вид на љубов

Воспитувањето дете со посебни потреби може да биде нешто многу предизвикувачко, но и подеднакво наградувачко. Ги тестира родителите на начини на кои не можеле да замислат, но им покажува и сосема поинаков свет на љубов и грижа. Има некои познати личности кои знаат како е ова од прва рака и имаат вредна мудрост да ја споделат со нас останатите.

Би сакале да ве запознаеме со 10 познати личности и нивните извонредни деца, а се надеваме дека ќе ви се стопли срцето.

1. Катерина Скорсоне

Ѕвездата од канадското потекло од „Grey’s Anatomy“ има слатко бебенце по име Палома, кое е секогаш присутно на социјалните мрежи на 39-годишната актерка. Палома е родена со Даунов синдром и од нејзиното раѓање во 2016 година, Катерина стана истакнат глас на социјалните мрежи за подигање на свеста за оваа состојба.

Во своите интервјуа Катерина дава моќни изјави за нејзината ќерка. Таа вели: „Пипа е поинаква. Така сте и вие и јас. Пипа има потреби кои се специфични за начинот на кој е направено нејзиното тело. Имам потреби кои се специфични за начинот на кој е направено моето тело. Сите ние го правиме тоа“. Таа признава дека на почетокот била исплашена, бидејќи не знаела ништо за оваа состојба, но подоцна почувствувала дека разликата на Пипа запалила кибрит во нејзиниот живот и во животот на нејзиното семејство.

2. Аманда Бут

Манекенката, мајка и застапничка Аманда Бут работи на тоа да ја направи многу потребната промена во медиумската и модната индустрија, благодарение на инспирацијата од нејзиниот син Мика, кој има Даунов синдром и аутизам. Аманда вели дека првпат почнала да ја забележува оваа потреба кога се вратила на работа откако го родила Мика. „Кога одев на работа почнав да забележувам дека постојано има бебиња на кастинзи. И јас мислев: „Зошто никој не го бара моето бебе на овие кастинзи?“ се сеќава таа.

Бут вели дека една од многуте нејзини омилени работи за Мика е неговата способност да чувствува добродушност кај другите. Таа го нарекува барометар кој ја покажува љубезноста кај сите кога тој влегува во соба. Аманда работи навистина напорно за да му помогне на светот да види поразновидна убавина и не се плаши да одговори на туѓите прашања за состојбата на нејзиниот син. Таа вели дека е подготвена да објасни зошто нејзиното дете не се однесува како никој друг, и тоа го прави доброволно и за сите кои се заинтересирани.

3. Тони Брекстон

Тони го роди своето второ дете Дизел во 2003 година. На 3-годишна возраст му беше дијагностициран аутизам. Ги научила програмите како да го развива и воспитува синот, му ја дала на своето дете сета љубов што ја имала.

Денес, Дизел Брекстон е баран модел кој потпиша договор со една од водечките светски агенции за моделирање и брзо добива популарност како ѕвезда на Инстаграм.

4. Силвестер Сталоне

Кога некој ќе го слушне името Силвестер Сталоне, веднаш помислува на Роки: тврд човек со уште потврдо срце. На синот на Сталоне, Сеаргео, му бил дијагностициран аутизам на многу млада возраст, а еве што имал да каже неговиот татко за сето тоа: „Мораме да го прифатиме Сергео онаков каков што е и да разбереме дека неговиот начин е само потивок и резервиран“. Сеаргео се појави во „Роки 2“ , како новороден син на Роки.

5. Кејти Прајс

Кејти Прајс е многу успешна и убава манекенка, а исто така е и мајка. Нејзиниот син Харви е роден во 2002 година и му бил дијагностициран аутизам, слепило и Прадер-Вили синдром. Една од најголемите грижи за оваа состојба е тоа што детето нема способност да каже кога е сито, па затоа продолжува да јаде. Ова може да доведе до дебелина и дијабетес тип 2, секој од нив има свои медицински несакани ефекти.

Но, Кејти ги надминува сите неволји и стапици заедно со нејзиниот син, а сега гордо вели на својот Инстаграм:„Те гледав како растеш во убав маж. Мојата мечка Харви те сакам и не би те менувала за светот“.

6. Џон Мекгинли

Познатиот актер Џон Мекгинли има син по име Макс кој има Даунов синдром и тој активно се занимава со градење на свеста и застапник за лицата со Даунов синдром. Во 2011 година, Џон ја доби наградата за исклучително застапување на Фондацијата Квинси Џонс за неговата работа поврзана со лицата со Даунов синдром и луѓето со пречки во развојот воопшто.

Во едно интервју, тој објаснува како е да се има дете со посебни потреби: „Првите неколку месеци се чувствувавме како да нè удриле по глава со некој вид космички чекан… И порано или подоцна мора да направи нешто, треба да избереш некој агресивен глагол за тоа што ќе правиш за овој живот. За Макс“.

7. Колин Фарел

Кој знаеше дека лошото момче на Холивуд е татко на дете со посебни потреби? Синот на Колин Фарел, Џејмс, страда од генетска состојба наречена Ангелман синдром. Оваа состојба може да предизвика отсечени движења. Колин има направено многу работа со Фондацијата за Ангелман синдром и вели: „Кога сте родител на дете со посебни потреби, важно е да чувствувате дека не сте сами“. Тоа е причината поради која почнал да работи со фондацијата.

8. Кристофер Горхам

Ѕвездата на „Грдата Бети“ , Кристофер Горхам има син по име Лукас, кому му било дијагностициран Аспергеров синдром околу 9- годишна возраст. „Вознемирувачки е да се слушне дека нешто не е во ред со вашето дете“, рече тој за дијагнозата. „Во исто време, олеснување е да знаете што не е во ред со вашето дете, бидејќи ако знаете што не е во ред, тогаш можете да започнете да преземате чекори за да му помогнете“.

Кристофер забележал дека неговиот син се повеќе се оддалечува од врсниците во второ одделение и токму тогаш морале да се соочат со дијагнозата и оттогаш тој и неговата сопруга се зафатени со неговата терапија. Горхам вели дека се чувствува за сите родители кои имаат деца со посебни потреби, бидејќи минува низ многу промени и стрес. Но, тој ја гледа позитивната страна на ова, бидејќи неговата сопруга, според неговите зборови, се покажала како вистински суперхерој во справувањето со ова.

9. Гери Кол

Актерот Гери Кол првпат се посомневал дека неговата ќерка Мери е посебна кога имала 2 години. „Таа не обработуваше информации како тебе или јас, и не ги перцепираше социјалните знаци“, вели тој. Таа била дијагностицирана со аутизам, но водела нормален живот. Таа добила терапија и помош од личен помошник, кој ѝ помогнал да посетува редовни основни и средни училишта во Калифорнија. Советите на Гери до родителите кои можеби имаат посебни деца е: „Барајте одговори и колку порано – толку подобро“.

10. Џени Мекарти

Кога на Еван, нејзиниот син, првпат му бил дијагностициран аутизам, Џени Мекарти вели дека престанал да зборува и почнал да го игнорира светот околу него. Затоа што, според неа, тоа е она што повеќето аутисти деца го прават – тие се затвораат во себе. Сепак, таа била решена да му помогне. Така почнала да бара третмани.

Една од работите што таа ги направила било да ги поправи навиките во исхраната на семејството, таа исто така се обидела со видео моделирање и терапија со играње за да го научи како да си игра со играчки, и излезе дека нејзиниот „воинствен дух“ навистина му помогна на Еван. Според Џени, Еван направил голем напредок. „Тој работи неверојатно“. – вели таа.