„Јас сум „џин“ во свет на џуџиња! Еве како изгледа мојот нормален живот во моето несекојдневно „мало“ семејство…“

Пит Монтцинго, од Лос Анџелес, Калифорнија, одговара на општествениот облик за тоа како некој „треба да изгледа“, но во неговото семејство често се чувствувал како аутсајдер поради неговата малку надпросечна висина.

Пит е израснат во семејство каде што секој има џуџест раст и своето детство го поминал гледајќи ги неговите родители, Вики и Дарел, и браќата и сестрите, Џенифер и Ендру, како се малтретирани и фотографирани од странци.

Во изјавата за „Тудеј“ , Пит детално објасни како е да се расте во семејство на луѓе со низок раст.

Тој објасни дека секогаш „мразел“ кога луѓето го гледаат неговото семејство, додавајќи дека „секогаш бил подготвен да се бори со некого“.

Според мајката Вики, малото момче Пит секогаш велело: „Мамо би сакал да сум џуџе“.

И високиот раст на Пит предизвикувал тој и неговиот брат Ендру, кој е наставник во трето одделение од Јужна Каролина, да имаат затегнати односи додека растеле.

Ендрју, кој има ретка форма на џуџест раст, поминал многу денови во и надвор од болницата поради операции на ‘рбетот и проблеми со дишењето. Поради ова, Пит признал дека често бил љубоморен на вниманието што го добивал неговиот брат.

Слично на тоа, Ендру му замерил на Пит поради неговата висина, добро здравје и способност полесно да игра спорт.

Меѓутоа, како што растеле, Ендрју почнал да препознава дека и Пит доживувал предизвици.

Сега, Ендрју и Пит се помирени и Пит го поминува своето време создавајќи содржини на неговата страна на „TikTok“ каде што помага да се застапуваат оние со џуџест раст.

Пит – кој може да се пофали со 12,7 милиони следбеници на платформата за споделување видеа – има тенденција да се пошегува дека е „вистинскиот Бади Елфот“.

Минатата година Пит објави книга за деца со наслов „Мали несовршености: висока приказна за различно растење“.