„Ние сме пронаталисти! Се размножуваме за да го спасиме човештвото, само користиме селекција на ембирони за децата да не ни бидат дебели“

Семејството Колинс, брачна двојка со три мали деца од Пенсилванија, се самопрогласени „пронаталисти“ – растечко движење кое промовира да се има што е можно повеќе деца за да се борите против падот на наталитетот.

Малколм Колинс (36) и неговата сопруга Симон (35) имаат три деца: петмесечната ќерка Титан Инвиктус и синовите Октавијан (3) и Торстен (2). Двојката се надева дека ќе има вкупно седум деца.

При зачнувањето на Титан Инвиктус – име за кое се одлучиле затоа што се плашеле дека женското име ќе биде сфатено помалку сериозно – парот поминал низ генетско тестирање и селекција на ембрион за да се осигура дека детето нема да биде дебело, а исто така да не страда од анксиозност кога ќе порасне.

Тоа е една од многуте причини зошто про-наталистичкото движење е контроверзно, при што многумина го гледаат како форма на евгеника. Навистина, Колинсите биле наречени „хипстер-евгеничари“, етикета што ја осудуваат.

„Не мислиме дека човештвото може да се усоврши, ние само сакаме да им го дадеме на нашите деца најдоброто“ – изјави Симон

Малком и Симон ја коосноваа непрофитната иницијатива Pronatalist.org.

Богатите маж и жена претприемачи тврдат дека елитата на Силиконската долина е заинтересирана за пронатализам бидејќи тие се оние кои обрнуваат внимание на податоците околу наталитетот и не им пречи да бидат осудени.

„Причината зошто гледате дека луѓето од Силиконската долина несразмерно ги привлекува ова е дека тие се доволно опседнати со податоци и доволно богати за да ги гледаат работите – и кои исто така имаат доволно богатство и моќ што не се плашат да бидат осудени“.

Во последниве месеци, парот беше претставен во медиумите откако јавно кажаа како користеле генетско тестирање и селекција за да ги оптимизираат особините на менталното здравје на нивните неродени деца. Доколку се остварат сопствените планови за размножување на парот, тие всушност ќе создадат крвна линија на Колинс кој ќе ја надмине сегашната глобална популација во 11 генерации.

Пронаталистите исто така веруваат дека имањето повеќе деца е корисно за општеството и економијата, бидејќи тоа води до поголема работна сила и поголем економски раст.

Движењето опфаќа различни иницијативи, вклучувајќи владини политики кои обезбедуваат финансиски стимулации за семејствата да имаат повеќе деца, културни кампањи кои ја промовираат идејата дека родителството е најважната улога за жените и религиозни или идеолошки верувања кои ја нагласуваат важноста на размножувањето.

Движењето, сепак, често е критикувано за игнорирање на потенцијалните негативни последици од пренаселеноста, како што се деградацијата на животната средина и исцрпувањето на ресурсите.

Колинсите се свесни дека голем дел од теоријата зад про-натализмот е често поврзана со неонацистичките принципи, но двајцата инсистираат на тоа дека не се работи за ширење на една раса на луѓе, туку едноставно за создавање на повеќе луѓе на Земјата – без разлика на расата, религија или потекло.

„Луѓето често ја споредуваат нашата група со размислување слично на Handmaid’s Tale“, вели Малколм, „и јас сум како: извинете, знаете ли што ќе се случи ако ова доброволно движење не успее? Ако ова беше животински вид ќе се нарече загрозен. Во моментов сме на Титаник. Титаник ќе удри во сантата мраз. Во овој момент не постои начин да се заобиколи. Нашата цел не е да го спречиме Титаник да удри во ледениот брег; тоа е да се подготват сплавовите за спасување“.

„Кога гледам во очите на нашите деца и го гледам сиот потенцијал што го имаат… и размислувам за свет во кој тие не постоеле затоа што мислиме дека светот не е добро место за деца. Јас сум како, не можам. Не можам да не се трудам да имам повеќе деца“, додава Симон.

Идеологијата на Колинс можеби сè уште е контроверзна во САД, но некои земји активно продолжуваат со про-наталистичка политика.

Унгарскиот екстремно десничарски премиер Виктор Орбан посвети значителен број ресурси на про-наталистичките политики, од кои некои се позитивни, но многу од нив го ограничуваат пристапот до репродуктивните права. Унгарија неодамна ги заостри правилата за абортус и постои загриженост за ограничување на пристапот до итна контрацепција.