Што се случи? Електричен автомобил Тесла вреден 100.000 долари буквално пропадна во земја

Настанот кој се случи пред некој ден во Тајван алармираше многу возачи и предизвика интерес кај светските медиуми. Како што се дознава, Tesla Model Y вреден 100.000 долари ненадејно пропаѓа во земја, оставајќи го неговиот сопственик шокиран.

Надзорните камери го снимија моментот кога автомобилот паѓа во празнината формирана под него. Сопственикот на електричниот автомобил немал среќа – неговиот Model Y бил сосема нов, а го возел само пет пати.

Според очевидци, дупката била прилично голема и длабока. Кога автомобилот бил изваден од дупката, имало значителна штета на неговата лева страна.