Астероид со големина на автобус ќе прелета покрај Земјата, а потоа уште четири други!

НАСА откри повеќе од 30.000 астероиди кои минуваат во близина на Земјата, а минатата недела нашата планета беше загрозена од неколку вселенски тела одеднаш.
Астероидите кои минуваат покрај Земјата не се невообичаени, но дури и најмалите од нив можат да претставуваат закана за животот на планетата доколку влезат во атмосферата. Во овој поглед, НАСА постојано ги следи небесните тела и се обидува да спречи можни закани.

Денеска, 4 мај, ќе ни се приближи астероид со големина на автобус, кој се наоѓа на оддалеченост од 435.000 километри од Земјата. Следната недела нè очекуваат уште поголеми астероиди, од кои еден со големина на куќа ќе не помине на растојание од 639.000 километри.
Астероидот 2023 HV5 ќе се приближи до Земјата во четврток. Според пресметките на НАСА, се движи низ вселената со брзина од 8,9 километри во секунда.

Во следните два дена покрај планетата ќе поминат и други поголеми астероиди, а во петок се очекува да поминат три големи. Еден од астероидите е 2023 HH7, со големина од 15 метри. Ќе ја помине Земјата на растојание од 639.000 километри.

Уште два со големина на авион, исто така ќе прелетаат покрај Земјата истиот ден на растојание од 839.000 километри и 3.080.000 километри, соодветно. Четвртиот 29-метарски астероид 2006 HX57 ќе прелета покрај Земјата на 6 мај на растојание од 2.600.000 километри.

Научниците долго време се загрижени за безбедноста на Земјата и развиваат системи за следење и предвидување на движењето на астероидите, како и преземање мерки за нивно уништување доколку претставуваат закана за животот на Земјата.

И покрај ова, многу научници се убедени дека сè уште сме далеку од целосно разбирање на вселенските објекти кои можат да и наштетат на нашата планета. Затоа, важно е да се продолжи со проучувањето на вселената и да се развијат технологии за попрецизно предвидување на движењето на астероидите и одговор на можните закани.