Србин во Трст подготвува вистински специјалитет – пица со штурци: „Скапа е, но се продава“

Слаѓан Миленковиќ, пица мајстор по потекло од Србија, решил да донесе малку Србија во Италија. Пред седум дена решил да направи пица со штурци, а во Трст, каде што работи, сите биле воодушевени.

Домат, моцарела, цветови од тиквички и пржени штурци. Таква пица веќе седум дена се служи во пицеријата „Mangiafuoco“ во Трст.

А сето тоа откако оваа пица, која чини 15 евра, ја подготвува пица мајсторот од Србија, Слаѓан Миленковиќ.

„Прв пат во животот, овде во Трст. Според мене, ова е најдобрата пица што сум ја видел на светот. Не бев скептичен“, им откри Слаѓан на новинарите на хрватската телевизија РТЛ.

Не е евтина, но и состојките не се евтини. Штурците се специјално набавени од мала фарма во Германија. Не се мелени, туку цели на пицата.

Сопствениците на пицеријата морале добро да размислат, бидејќи штурците морале да се комбинираат со состојки кои би одговарале на вкусот.

„Во овој период толку многу се зборуваше за брашното од штурци, па реков: „Зошто да не се обидеме да направиме пица од штурци? Ни се допадна портокаловата боја“, објасни Алесандро Прибаз, косопственик на пицеријата.

Како што вели, кога почнала да се развива идејата, почнале да бараат и добавувачи на штурците.

„Ја контактирав германската компанија и кога пристигнаа штурците почнавме да експериментиравме со сос од домати, моцарела и цветови од тиквички”, додаде тој, а главната состојка доаѓа во големи количини.

Во вкусот на овој „специјалитет“ се уверил и репортерот на RTL Direkt. Имено, таа го опишала вкусот на штурците како вкус на чипс, односно како што рече „чипс од штурец“.

„Би пробале од љубопитност“

Од друга страна, самите Италијанци ја дадоа својата пресуда. За време на истражувањето на улиците на Трст, се покажа дека многу од нив не знаеле за постоењето на таков специјалитет.

„Сакам да ја јадам пицата на која сум навикната, но можеби ќе ја пробам од љубопитност “, вели Камила од Италија.

Сепак, Марко беше директен: „Не сакам баш таква пица. Повеќе сакам добра класична пица, но не со овие животни“

Но, од пицеријатa велат дека бројот на нарачки значително се зголемил, поради што морале да го зголемат и увозот на штурците од Германија.