„Дизни“ го затвора својот луксузен хотел „Војна на ѕвездите“ во Орландо по само една година постоење, откако беше критикуван дека е ПРЕСКАП, наплаќајќи 20.000 долари за две вечери!

Скапиот и извонреден хотел „Војна на ѕвездите “ во „Волт Дизни Ворлд“ на Флорида се затвора по само една година.

„Star Wars: Galactic Starcruiser“ првично се продаваше како искуство, а не како хотел и чинеше околу 1.200 долари по лице дневно. Доколку сакате и апартман во понудата тоа може да ве чини и до 20.000 долари.

Извонредното сместување, кое е со седиште во Орландо – и нема никакви прозорци, ќе ги изврши своите последни „патувања“ во септември, четири години откако беше објавено на „D23 Expo“ во 2019 година како дел од земјиштето на паркот во „Војна на ѕвездите“ вредна 1 милијарда долари.
Веста за затворањето доаѓа само неколку месеци откако „DailyMail.com“ објави дека Дизни се бори да ги пополни резервациите и дека има намалена достапност за есен.

Хотелот, кој се наоѓа во близина на „Дизни Ворлд“ во Орландо, Флорида, создаде голема врева кога првпат се отвори за неговата цена и неговите удобности.

Вклучено во дводневното искуство е кабина или апартман, постојана извонредна забава, храна и пијалоци во и надвор од просторот и прием во Холивудското студио на Дизни.

Собата во која може да се сместат тројца возрасни и едно дете чини 5.999 долари, без даноци и такси. Кабината со двајца гости чини 4.809 долари, додека тројца гости 5.299 долари. Има еден апартман – познат како Големиот капетан – кој собира осум лица и вклучува кујна, дневна соба и повеќе бањи.

Искуството, исто така, им понуди на гостите шанса да скокнат во универзумот на „Star Wars“ и да учествуваат во Отпорот против Кајло Рен и Првиот ред.

„Galactic Starcruiser“ освои и награда „Thea“ за извонредни достигнувања во тематски забавен простор.

И покрај високите оценки и удобности, многумина побрзаа да истакнат дека искуството може да чини колку или повеќе од еднонеделно патување во „Дизни Ворлд“.
Во март, „DailyMail.com“ објави дека порталот за резервации за „Star Wars: Galactic Starcruiser“ покажа намалени  резервации во текот на октомври, ноември и декември.

Во тоа време, системот за резервации покажа дека хотелот резервирал само три или четири пати неделно.

На крајот на 2022 година, Дизни нудеше попусти кои се движеа од 30 до 50 проценти за искуството, а во декември Дизни избриша промотивно видео кое го прикажува хотелот. Видеото е повлечено од „YouTube“ и „Twitter“ поради негативните коментари.