Зошто оваа фотографија од црно „Lamborghini Aventador LP750-4 SV“ кое движи по улиците, ги „побесне“ луѓето во Австралија?

Возач ученик е забележан зад воланот на „Ламборџини“ вредно речиси 900.000 долари, додека се враќал дома од училиште.

Средношколецот бил виден како вози црно „Lamborghini Aventador LP750-4 SV“ од 2015 година по источниот автопат во Мелбурн.

Фотографијата на црниот суперавтомобил со жолта табличка „L“ на задната страна беше споделена на „Фејсбук“ страницата на љубителите на автомобили, при што многумина беа шокирани од фактот дека на возачите што учат им е дозволено да возат автомобил со толку голема моќ.
Во Викторија, Австралија на оние со L таблички и им е дозволено да возат автомобили со голема моќност, како што е „Ламборџини“, се додека се покрај надзорник со целосна дозвола.

Црното Lamborghini „Aventador LP750-4 SV“ од 2015 година има малопродажна цена од околу 890.000 долари и е најмоќното купе „V12“ на компанијата.