„Мојот 8 годишен син беше единствениот од целото одделение што не беше поканет на роденденската забава на соученикот. Еве што училиштето направи по инцидентот!”

Вознемирена мајка го откри негативното искуство кога нејзиниот 8 годишен син бил единствениот што не бил поканет на роденденската забава на соученик.

Мајката сподели дека нејзиниот син дошол дома од училиште „во солзи“ откако еден од неговите соученици им поделил покани на сите во неговата група од 18 деца, освен на него.

Кога нејзиниот син учтиво прашал зошто е единствениот непоканет, одговорот на другото дете ја побеснил мајката.
„Тој се насмевнал и му рекол на мојот син дека не се нашол на списокот“, откри таа. „Тоа се случило на час пред сите – и моето дете беше толку вознемирено“.

Мајката отишла во училиштето за инцидентот и потоа веднаш била донесена нова политика во училиштето, која бара сите деца да бидат поканети на забава доколку поканите се делат во училишните простории.

Мајката сподели детали за инцидентот на онлајн форум за родители и побара совет за ситуацијата.

Младото момче имало проблеми со „прилагодувањето“ на училиште поради неговата љубов кон коњите, парните машини, старите музички снимки.
Мајката откри дека нејзиниот син често седи и си игра сам на ручек бидејќи нема толку многу пријатели, а била загрижена дека исклучувањето од забавата ќе му го влоши социјалниот живот.
Таа сподели повеќе информации за односот на нејзиниот син со неговиот соученик што фрли малку светлина врз суровоста.

„Момчињата добро се сложуваат кога се сами заедно, но М може да биде малку лош кон мојот син кога има други деца“, откри таа.
Додека мајката нагласила дека не е проблем што нејзиниот син не бил поканет – таа мислела дека е непотребно злобно намерно да го отфрли нејзиното дете пред целото одделение.

Илјадници сочувствуваа со ситуацијата на мајката и споделија совети.

„Би го фокусирал своето внимание на градење на издржливост кај твојот син и би се обидел да го научам дека секогаш ќе има лоши луѓе околу себе, но неговата работа е да негува доволно самодоверба што нема да влијае толку многу на него во иднина. “, рече едно лице.
„Не викајте ги родителите – можно е да испратиле покани за сите и детето намерно решило да го исклучи вашиот син. Ќе го направи уште повеќе мета ако кренете врева“, рече друг.