Ја прашавме вештачката интелигенција за нејзините најдобри 5 совети за слабеење… и еве што одговори

Прашање кое милиони од нас го поставуваат со децении – кои се најдобрите начини за слабеење?

Славните личности и фитнес инфлуенсерите ги рекламираа апчињата за слабеење, шејковите за замена на оброци и додатоците, велејќи дека тие се тајната на нивната затегната фигура. Но овие совети воопшто не вредат ни пет пари, според вештачката интелигенција.

Напорни тренинзи, подготовка на оброци и наизменично постење се меѓу првите пет совети за слабеење на ChatGPT.

И ние го објавивме неговиот водич за оние кои сакаат да го тестираат.

HIIT

Две до три сесии на интервален тренинг со висок интензитет (HIIT) неделно беа најдобриот совет на четботот за намалување на килограмите.

Овој тренинг вклучува наизменични кратки рафали на интензивно вежбање со периоди на закрепнување со низок интензитет, обично по 30 секунди секој, со типичен тренинг кој трае околу половина час.

ChatGPT дури обезбеди листа на вежби кои вклучуваат спринт, бурпи, скокови и сквотови.

Кардиоваскуларната вежба вклучува работа помеѓу 80 и 95 проценти од максималниот пулс, што се пресметува со одземање на вашата возраст од 220. На пример, 30-годишник би имал максимален пулс од 190.

Австралиските истражувачи минатата година открија дека тренингот е поефективен во одржувањето на убава половина отколку традицоналните аеробни вежби, како трчање или пливање.

Сепак, д-р Дуан Мелор, еден од врвните британски истражувачи за исхрана, предупреди дека вежбањето може само да го поддржи слабеењето, наместо да биде главниот двигател на тоа. „Иако HIIT може да биде предност за вежбање за некои и може полесно да се вклопи во времето, тоа не е подобар вид на вежбање. Всушност, иако вежбањето може да помогне во управувањето со тежината, неговиот придонес во помагањето на слабеењето може да биде ограничен“.

Подготовка на оброк

Видеата на луѓе кои готват оброци за неделата што претстои, достигнаа милијарди прегледи на ТикТок – предизвикувајќи свој тренд.

Но, трендот за заштеда на време и намалување на трошоците е исто така еден од најдобрите начини за одржување на „здрава и конзистентна“ шема на исхрана, според ChatGPT.

Се состои од посветување време во вашата недела за подготовка на голема порција појадок, ручек и вечера и нивно ставање во контејнери што ќе се консумираат во текот на целата недела.

Четботот тврди дека веќе подготвените оброци ќе помогне да се избегнат „импулсивни, нездрави избори на храна и да се промовира контролата на порциите“.

Како резултат на тоа, оние кои се на диета можат подобро да следат што јадат и нивниот внес на калории, што може да помогне при губење на тежината.

Секој оброк треба да биде избалансиран и треба да вклучува посни протеини, интегрални житарки, зеленчук и здрави масти, според четботот за вештачка интелигенција.

Постојано постење (fasting)

Постојат четири главни типа на пост.

Диетата 5:2 вклучува нормално јадење пет дена во неделата и драстично намалување на калориите два дена неделно – до 500 за жени и 600 за мажи.

Оние кои го следат планот 16:8 јадат само во рок од осум часа секој ден, на пример, од 10 до 18 часот, и постат во преостанатите 16 часа.

Алтернативниот дневен пост вклучува само јадење околу една четвртина од нормалниот дневен внес во еден ден, проследено со еден ден јадење 25 отсто повеќе од вообичаеното.

А 24-часовниот пост подразбира да не се конзумира храна во текот на целиот ден.

Теоретски, диетите му овозможуваат на телото да има „пауза“ од варењето на храната. Додека овој тип на навика за јадење има позитивни ефекти врз нивото на шеќер во крвта и краткорочното губење на тежината, некои мали студии покажаа дека некои луѓе после постењето претеруваат со јадењето.

Намалување на внес на шеќер и јаглехидрати

Намалувањето на внесот на додаден шеќер и рафинирани јаглени хидрати е уште еден камен-темелник за губење на тежината, според ChatGPT.

Шеќерот е вид на јаглени хидрати кои му даваат енергија на телото, но ако јадете премногу може да доведете до зголемување на телесната тежина.

Постојат природни шеќери, кои се наоѓаат во овошјето, медот и млекото, или слободни шеќери, кои се додаваат во бисквитите, чоколадото и газираните пијалоци.

„Фокусирајте се на целосна, непреработена храна и изберете сложени јаглехидрати како цели зрна, мешунки и зеленчук, наместо слатки закуски, газирани пијалоци и преработена храна“, препорача ChatGPT.

Следење на напредокот

Следењето на вашиот напредок и останувањето одговорни е од витално значење за губење на тежината, според ChatGPT. Тоа може да им помогне на оние кои држат диета да останат мотивирани и инспирирани.

Има многу паметни и едноставни начини за следење на вашето јадење и вежбање, а најпопуларни се мобилните апликации. ChatGPT препорача да се приклучите на група за поддршка или да најдете партнер за вежбање со кој ќе го споделите вашето патување за слабеење и ќе ве повика на одговорност.

Исто така, им порача на оние кои сакаат да држат диета да го слушаат нивното тело, да останат трпеливи и да направат постепени промени во животниот стил што може да ги одржуваат на долг рок.

Возрасните треба да прават некој вид физичка активност секој ден. Вежбањето само еднаш или двапати неделно може да го намали ризикот од срцеви заболувања или мозочен удар.