Како да го победите лотото: Запознајте го Австралиецот кој има освоено џекпот 14 пати со едноставна математичка формула – има однесено повеќе од 30 милиони долари дома

Шансите една личност да добие голема лотарија се приближно еден на 14 милиони.

Но, математичарот Стефан Мендел им пркоси на шансите и тоа го направил без да прекрши ниту еден закон.

Австралискиот државјанин со романско потекло ја искористил својата памет и афинитет за бројки за да создаде речиси совршена формула за да го разбие системот. Додека работел како економист во Романија ја тестирал својата креација користејќи ги петте броја што ги дала неговата формула и едноставно ја погодил шестата цифра. Тој на крајот ја освоил главната награда и можел да ја напушти Романија и да се пресели во Австралија со своето семејство.

Набргу по пристигнувањето во Австралија, г-дин Мандел започнал да работи на фино прилагодување на својата формула за австралиската игра. Поради неизмерноста на можните комбинации во австралиската лотарија, г-дин Мандел почнал да бара инвеститори, со намера да собере што е можно повеќе билети за секое големо извлекување.

Со пет од шест броја пресметани преку неговиот систем, количината на комбинации станала конечна и г-дин Мандел почнал да се фокусира на главните награди кои нудат повеќе пари отколку можните комбинации.

Со нив тој се надевал дека ќе ја купи секоја достапна опција за билети, давајќи му уште повеќе шанси да го освои џекпотот.

По 12 победи, австралиските власти почнале да се сомневаат во него. И покрај законитоста на неговите активности, се сметало дека тоа не е во духот на играта и беа воведени низа закони.

Станало незаконско за еден маж да го купи секој билет на лотаријата. Како решение, г-дин Мандел нашол пет деловни партнери.

Потоа било донесен друг друг закон со кој било незаконско за групи на поединци да ги купуваат сите билети на лотарија, но повторно, г-дин Мандел нашол решение со создавање на фирма за лотарија. И како што надминувал една пречка австралиската влада поставувала друга.

Набргу, барајќи други опции тој дознал дека Соединетите држави сè уште не ги наметнале ограничувањата што ги има во Австралија. Веднаш почнал да работи на разбивање на американскиот систем, со посебен фокус на лотаријата во Вирџинија.

Во тоа време имало 7,1 милиони можни комбинации на броеви, а билетите биле по цена од само 1 долар. Мандел убедил 2.500 австралиски инвеститори да дадат по 1 долар.

Две години подоцна, во 1992 година, џекпотот достигнал 27 милиони долари, а г-дин Мандел и неговиот тим го купиле секој билет.

„Знаев дека ќе освојам една прва награда, шест втори награди, 132 трети награди и илјадници помали награди“, изјави тој.

Неговиот вкупен профит бил 30 милиони долари.

Тоа резултирало со четиригодишна правна битка, во која синдикатот бил под истрага од страна на ЦИА и ФБИ, но сомнежите останале неосновани.