„Значи јас не сум бил вегетаријанец…“ – Луѓето се заколнаа дека веќе никогаш нема да го јадат овој добро познат сос откако видоа како се прави

Видео за процесот како се прави познатиот Вуршестир сос ги остави луѓето запрепастени. Вустершир сосот најчесто се користи за да додаде на вкусот на месото, супите, чорби, маринади, па дури и во пијалоци како Bloody Mary.

Видеото го доловува процесот на производство на сосот од Вустершир на Lea & Perrins (најпознатата фирма што го произведува сосот) – а корисниците се шокирани од состојките што се користат за негово правење.

Петминутното видео започнува со прикажување на повеќе сини буриња полни со кромид и лук, кои се киселат во оцет помеѓу една до две години. Грозниот процес потоа продолжува за да открие уште едно буре со калливи сардели – стоени во сол неколку месеци. Потоа се користи лопата за да се пренесе рибната фузија во индустриски миксер, каде што се додаваат други состојки како шеќер, алкохолен оцет, концентрат од тамаринд и меласа. Видеото завршува со перфектно произведен производ од сос од Вустершир – флаширан, спакуван и подготвен да се најде на полиците на супермаркетите.

Корисниците на Reddit одговорија на видеото со различни реакции, а повеќето беа згрозени од она што се крие зад зачините со лут вкус.

Вегетаријанците кои го јаделе сосот со години не биле најдобро задоволни кога дознале што навистина јаделе цело време, главно затоа што рецептот содржи риба.

Еден рече: „Значи, испадна дека не сум многу добар вегетаријанец…“

Вториот напиша: „Буквално го држев носот додека го гледав ова“.

Друг рече: „Мора да ми се допаѓа кога нешто што може да се јаде се прави со лопата“.

Сепак, на некои корисници гледањето на процесот беше прилично интригантно и само го зголемија апетитот за сосот.

Еден напиша: „Ммм, највкусниот од сосовите. Лиги ми течат гледајќи го видеово“

Друг корисник одговори на коментарот велејќи: „Го сакам сосот од Вустершир и ќе го ставам на секакви јадења, но ова видео ми го размрда стомакот“.

Од 1837 година, Lea & Perrins го произведуваат својот познат сос, и тој сигурно стана еден од најомилените зачини во Англија. Според Lea & Perrins , зачинот е направен со помош на „експертска мешавина на состојки на кои им требаат цели 18 месеци да созреат за да го дадат тој уникатен полн вкус што ги збогатува вашите оброци“.