Како Австралиец изгубил 6 килограми сало околу стомакот за само 30 дена, правејќи само ЕДНА клучна промена?

Еден Австралиец сподели како изгубил речиси шест килограми сало околу стомакот само со тоа што се откажал од алкохолот.

Џејмс Свонвик, основач на „Лајфстајл без алкохол“, одлучил да се обиде да престане да пие алкохол 30 дена, но откри дека влијанието врз неговото целокупно здравје било толку драматично што се наметнало потоа и како негов начин на живот.
По првите 30 дена без пиење, 46-годишникот изгубил неверојатни 5,9 килограми само од стомакот.

Во мај 2010 година, додека седел во ресторан во Америка и едвај можел да касне храна поради мамурлак, Џејмс решил да се обиде да помине 30 дена без да допре алкохол.
Инвеститорот и сопственик на бизнис рече дека по само 30 дена без алкохол, неговиот живот се „трансформирал“.

Џејмс рече дека никогаш не бил „голем алкохоличар“ или „зависен од алкохол“ и дека пиењето го гледал како „забавна социјална навика“, но тоа го правило несреќен.
„Најдолгото што го поминав без да пијам во можеби целиот мој возрасен живот во тој момент беше можеби една недела, така што прекинот на 30 дена беше многу“, рече тој во видеото на интернет.
Џејмс рече дека првите две недели биле најтешки.

„Кога излегував со пријателите и нарачував вода… „Ти не си Австралиец! би рекле“, рече тој.

Голем дел од тежината што ја изгубил е околу неговиот стомак каде што мастите имаат тенденција да се таложат кај мажите кои пијат редовно, според „Drink Aware”.
Не само што изгубил тежина со тоа што ја направил едната промена, туку и подобро спиел, се чувствувал подобро и изгледал поздраво.

„Спиев подобро, изгледав подобро, се пријавив во теретана, се пријавив на аудиција за водител на „Sportcentre” на ESPN и ја добив работата“, рече тој.
По неговите 30 дена, Џејмс решил да види дали може да биде трезен цела година.

По 60 дена тој бил сигурен дека ќе посака ладно пиво, црвено вино или џин и тоник, но веќе три месеци се чувствува „прекрасно“ и е инспириран да продолжи.

Џејмс рече дека бил изненаден кога открил дека сѐ уште може да биде „забавен и привлечен за жените“ без да се опие.

Сепак, тој сè уште чувствува притисок од пријателите, од кои еден дури се обидел да му стави малку вотка во киселата вода.