Вистинска среќа: 5 годишно дете, фан на Ед Ширан, го поканил познатиот пејач на својот роденден и добил одговор каков што никој не очекувал!

Ед Ширан одговори на поканата за роденден на петгодишно дете со магичен гест.

Александра Ламоре, од Јута, претходно „TikTok”објасни дека нејзиниот петгодишен син Рен има „опсесија“ со поп-ѕвездата.

Малото момче сакало забава на тема Ед Ширан за да го прослави својот шести роденден заедно со воден тобоган, колачи со ликот на пејачот и најмногу со појавување на самиот Ед.
Во клипот, кој достигна 8,6 милиони прегледи, мајката на три деца откри дека нејзиниот син верувал дека меѓународната ѕвезда ќе присуствува на неговата забава и ќе му подари микрофон.
Но, малкумина знаеја дека Ед Ширан планирал свое посебно изненадување на прославата на роденденот на Рен.

Не очекувајќи да слушне одговор од пејачот Александра направила креативни покани за забавата, како билети за концерт со фотографија на која Ед Ширан настапува во живо.
Многу корисници побрзаа да го означат пејачот во делот за коментари за да го известат за роденденската желба на Рен.
Таа се пошегува со корисниците на социјалните мрежи и праша дали некој знае каде може да најде костим на Ед Ширан.
Но, потоа мајката прикачила видео на кое се гледа голема сина пратка на нивниот праг на која пишува „До Рен, од Ед“.
На шок на семејството, среќното момче доби изненадувачки подарок испратен од самиот Ед Ширан.

На видеото се гледа како момчето го отвора подарокот и останува без зборови.
Дарежливиот подарок вклучувал маица, потпишано ЦД, играчка, микрофон и гитара.
Можеби најдобро од сè беше рачно напишаната белешка од пејачот, која гласела: „Рен, извини што не стигнав на твојот роденден, се надевам дека беше супер. Еве бележник, микрофон и гитара за да можеш да почнеш да пишуваш песни како мене“.

„TikTok” видеото заврши со симпатичен  клип на кој Рен ја пее хит песната „I Don’t Care“ од самиот Ширан и Џастин Бибер.
Видеото доби илјадници лајкови, а Александра напиша во описот: „Одговор на реакцијата на Џен Рен на неговиот роденденски подарок од @EdSheeran. Ова мора да биде едно од најдобрите искуства во целиот наш живот!Срцетоми пука од радост и благодарност“.