„Чудо од дете” го слави својот 4 роденден, откако се родил под најстрашните околности што може да му се случат некому и докажува дека љубовта може да промени сѐ!

Момче од Калифорнија им пркоси на шансите прославувајќи го својот четврти роденден – откако се роди во најтрагични околности.

Малиот Бекам Хјуз, од јужна Калифорнија, е роден со итен царски рез откако неговата мајка, Рејчел Хјуз, доживеа несреќа зад воланот на нивниот автомобил во 2019 година.

Нејзиното тело се спушти нанапред кога се онесвестила и со стапалото силно го притиснала гасот, поради што автомобилот излетал од патот со 80 километри на час и удрил во камен ѕид.
Лекарите предупредиле дека момчето можеби нема да преживее кога ќе се роди со тежина од само 2 килограми. Тој морал да остане во болница повеќе од три месеци и бил интубиран и хранет со интравенска цевка.

На возраст од шест месеци, му била дијагностицирана церебрална парализа – невролошка состојба каде болните се борат да се движат и да комуницираат. Сè уште не може да оди, но научил да седи, да стои и да се влече напред со рацете. Тој, исто така, се бори да зборува, а лекарите велат дека најверојатно ќе треба да го научи знаковниот јазик.

Г-ѓа Хјуз вели: „Носам со себе многу вина и често се прашувам дали сум направила доволно за да го заштитам. Има денови кога тежината на сето тоа станува неподнослива.

Но, потоа, гледам во очите на Бекам и ја гледам неговата издржливост, неговиот прекрасен дух како сјае, и покрај болката. И во тие моменти, знам дека морам да продолжам и да бидам силна за него“.
Хјуз, тогаш 24-годишна, возела на работа во 10 часот во јуни, кога одеднаш сфатила дека го заборавила својот лаптоп и се вратила назад.

Г-ѓа Хјуз била пренесена во болница во Јута каде што снимките покажале дека нема скршени коски, туку само модринки.
Но, имало голема загриженост за нејзиниот нероден син, чие чукање на срцето почнало да се намалува.

„Ништо не може да подготви родител за ролеркостер на Одделението за интензивна нега на новороденчиња (NICU), но љубовта што ја чувствував кон Бекам беше посилна од стравот и неизвесноста“.

На шест месеци му била дијагностицирана церебрална парализа, за која лекарите рекле дека е предизвикана од огромно крварење на мозокот кое ги оштетило невроните.
Момчето се борело и со зборувањето, но на двегодишна возраст логопед му помогнал да каже „мама“ и „тато“.
Г-ѓа Хјуз рече: „Првиот пат кога го видов моето бебе бев исполнета со љубов. Беше апсолутно совршен и неверојатно мал”.

Г-ѓа Хјуз и нејзиниот сопруг Хантер добиле второ дете, ќерка наречена Блејкли, следната година.
Тие сега прават блогови за нивното искуство со одгледување дете со церебрална парализа на социјалните мрежи, а нивниот „TikTok” собра повеќе од 200.000 следбеници.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!