Тинејџерка, на која ајкула и ја откинала ногата, откри дека е бремена со своето прво дете една година по инцидентот: „Ќе се породам во истата болница каде што се лекував по нападот!”

Жена која ја изгубила ногата во ужасна несреќа со ајкула, го чека своето прво бебе само една година по речиси фаталниот инцидент – и ќе се породи во истата болница каде што се борела за живот.

На Адисон Бетеа, која сега има 18 години, од Пери, Флорида, ајкула и ја скинала ногата додека пливала на плажата Китон во близина на островот Граси на 30 јуни 2022 година.

Сега, тинејџерката се подготвува да стане родител со нејзиниот долгогодишен партнер, Ештон Стрикленд.
Неодамна, додека зборуваше за „Добро утро Америка“, идната мајка рече дека е „лудо“ што „ќе внесе сосема нов живот“ во светот откако нејзиниот „речиси“ бил одземен.

За среќа, кога се случил настанот нејзиниот брат ги слушнал нејзините викања за помош, притрчал и почнал да ја тепа ајкулата додека конечно не испливала.

Странец брзо забележал дека тие се вознемирени и им помогнал да се качат на нивниот чамец.

Адисон со хеликоптер била пренесена во Меморијалната болница Талахаси, но таа за малку ќе го загубела животот за време на летот.

И кога пристигнала во болница, нејзиниот пат до закрепнување не бил лесен. Таа била итно однесена на операција и морала да биде подложена на вкупно шест операции.

Лекарите можеле да и го реконструираат поголемиот дел од бутот, но за жал морале да и ја ампутираат десната нога веднаш над коленото.

Таа поминала со недели закрепнувајќи прво во болница, а потоа на рехабилитација – каде морала да научи како да оди со својата нова протеза.

Сега, Адисон со нетрпение очекува да стане мајка и сака да им помогне на што повеќе луѓе.